UNPAZ HETAN VIZITA BAINAKA ESPESIAL HUSI SINGAPORE
Dili-Universidade da Paz (UNPAZ) nia Vise Reitór Asuntu Akadémiku, Dr Joaninho Xavier Hei, Lic. CSH.,M.Ed.,Ph.D. Simu bainaka espesial mai husi National University Singapore, Dr. TOH Tai Chong. iha Nia Kna'ar fatin (02/05).
Vise Reitór Asuntu Akadémiku, Dr. Joaninho Xavier Hei, Lic. CSH.,M.Ed.,Ph.D, hateten ohin ita UNPAZ hetan vizita bainaka ida mai husi Singapore, tuir planu atu lori sira-nia estudante sira mai Timor iha UNPAZ, atu apriende kona-ba kultura no istória Timor-Leste nian.
"Sira hakarak tebes mai iha UNPAZ, tanba ne’e, ohin ita simu sira mai iha ne’e, depois karta ruma husi sira nian, atu bele aprezenta ba Magnífiku Reitór, hodi bele hatene sira-nia planu ne’e, no estudante mobilidade to’o rua nulu (20) ne'ebé sei mai Timor, atu aprende ita nia kultura",dehan Vise Reitór Asuntu Akadémiku.
Nia dehan, estudante sira sei mai antes, nune'e Reitór bele autoriza atu bele la'o ho estudante sira iha UNPAZ liu-liu iha Fakuldade CSH, Deparmentu Relasaun Internasionál, nune'e sira bele ko'alia inglêsh no fahe istória kona-ba Timor nian, nomós kultura Timor-Leste nian ba estudante sira ne'ebé atu mai.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
