UNPAZ HETAN VISITA HUSI SEARCA-PHILIPPINES
Dili-Universidade da Paz (UNPAZ) hetan visita espesial bainaka husi SEARCA-Philippines mqai iha UNPAZ hodi deskute kona-ba programa peskiza nian, ne’ebé atu implementa iha 2024, iha Reitór Kna’ar fatin (16/11).
Vise Reitór Asuntu Akadémiku, Sr. Joaninho Xavier Hei, Lic. CSH.,M.Ed, hateten ohin ita hetan bainaka husi SEARCA-Philippines, sira mai ko’alia kona-ba programa peskiza nian ho área sira seluk, hanesan estudu komparativu, formasaun ba dosente no funsionariu sira, tanba ne’e mak ohin ita halo diskuasaun ba programa sira ne’ebé atu implementa, maibe la’os de’it ba iha instituisaun privadu sira de’it, maibe ba mós iha parte governu no NGO sira.
Sira mai visita aleinde husi Instituisaun governu, sira mós ba iha instituisaun rua hanesan UNPAZ ho UNTL, programa sira nian, oinsa atu enkoraja dosente sira bele halo peskiza, programa ida ne’e prioridade liu ba iha timor, tanba ita foin sai membru asena, ho ida ne’e sira enkoraja atu bele aplika iha tinan oin.
Entretantu partisipa iha diskusaun ne’e, Vise Reitór Asuntu Akadémiku, Sr. Joaninho Xavier Hei, Lic. CSH.,M.Ed. Dekanu FTA ho ekipa nomós Bainaka sira.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
