![UNPAZ HETAN VISITA HUSI INSTITUISAUN PROTESAUN CIVIL.](https://unpaz.tl/asset/foto_berita/24.jpg)
UNPAZ HETAN VISITA HUSI INSTITUISAUN PROTESAUN CIVIL.
Dili-Universidade da Paz(UNPAZ) hetan prejensa husi instituisaun protesaun civil, iha vizita ne’e hakarak halo koperasaun hamutuk ho Universidade da Paz ba iha futuru, iha edifisiu Vise Reitor interna no externa (15/09).
Vise Reitor Asuntu Koperasaun, Sr. Luis Pereira Cardoso, Dip.Cs.Lic.CSH.MA. Mcs, hateten, prejensa husi Instuisaun estadu ou protesaun civil, mai iha fatin ne’e iha hanoin hakarak halo koperasaun ho UNPAZ liuliu iha área prioridade sira ne’ebé mak sira atu halo kopera ho Universidade da Paz mak, atu fó formasaun ba primeiru sekurus ninian, depois iha mós formasaun kona-ba ita nia guarda sira, formasaun konaba prevensaun konflitu ninian, iha área lubuk ida ne’ebé mak relasiona ho sira nia servisu, depois liga direita ho ita nian, tanba iha parte ida ita nia guarda sira ne’e presiza fó formasaun.
Nia hatutan, Koperasaun ida ne’e mak establese kapas tebes tanba ita nia guarda sira ne’e mós seidauk iha formasaun di’ak ba sira oinsa atu utiliza sira nia farda sira, fasilidade sira ne’ebé mak sira iha, iha seluk mós oinsa atu bele utiliza hanesan dezastre naturais ruma akontese hanesan be sa’e oinsa atu bele fó proteje ba ema sira ne’ebé mak iha laran, depois oinsa atu bele hetan primeiru sekorus ba ema sira ne’ebé mak sai vitima ba dezastre sira ne’e.
“Ita hanesan universidade no instituisaun bo’ot ita senti prograga sira ne’e importante tebes mai ita mesmu ke halai liu ba área tekniku ninian, mais ita fó prioridade ba ita nia estudante sira ne’ebé mak sei hetan formasaun hanesan membru senadu sira iha universidade nian sei hetan formasaun no hola parte iha aspetu sira ne’ebé mak mensiona”,dehan Vise Reitor Asuntu Kooperasaun, Sr. Luis.
Vise ne’e reforsa, atu realiza ida ne’e ami sei enkontru hamutuk ho Magnifiku Reitór, iha tempu badak hodi informa, ida ne’e depois se ita hetan aprovasaun husi reitór iha tempu badak ita sei asina nota de intendimentu ho sira, atu nune’e implementa lalais programa balu ne’ebé mak mensiona ohin hamutuk ho sira.
Partisipa iha sorumutu ne’e, Vise Reitor Asuntu Koperasaun, Sr. Luis Pereira Cardoso, Dip.Cs.Lic.CSH.MA. Mcs. Vice Reitor Asuntu Estudantil no Antigus Alunus, Sra. Marilia Juvi Gonsalves, Lic SP.,M. Kes. ho estrutura, Comandante Centru Formasaun Autoridade Protesaun Civil, Sr. Urbano Venançio dos Santos ho Ekipa.