UNPAZ HETAN PREZENSA HUSI EKIPA MESSK
Dili-Universidade da Paz (UNPAZ) ohin hetan prezensa husi ekipa Ministeriu ensinu Superior Siensia no Kultura (MESSK) ne’ebé lídera husi Dr. Edmundo Viegas ho ekipa mai iha UNPAZ, hodi hala’o enkontu hamutuk Estrutura Universidade kona-ba apoiu finanseiru husi governu ba Ensinu superior privadu sira inklui UNPAZ, Iha Aula Prof. Dr. Lucas da Costa (04/03).
Vise Reitór Asuntu Akadémiku, Dr. Joaninho Xavier Hei, Lic. CSH.,M.Ed.,PhD. Hateten ohin loron loraik ida ne’e, ita simu ekipa ida lídera husi Dr. Edmundo Viegas, ho nia ekipa ne’ebé mai atu marka enkontru ho gabinete reitoria, kona-ba apoiu finanseiru ba ensinu superior privadu sira inklui UNPAZ.
"Ohin enkontru tekniku oinsa mak atu prepara proposta atu dezemvolve to’o remata, ita sei haree depois hotu ita sei submete ba ministeriu ensinu superior, atu nune’e bele hetan apoiu finanseiru orsamentu governu ne’ebé aloka ona ba ensinu superior privadu sira. No enkontru ohin ne’e, liu-liu orsamentu ne’ebé fó apoiu ba iha universidade sira, ne’e, atu haree liu ba iha estudante sira no ba dosentes sira nomós infraestrutura sira, tanba ne’e ita nia proposta husi UNPAZ, sei submete iha tempu badak",tenik.
Entretantu iha diskusaun ne’e, Ekipa husi MESSK ne’ebé lídera husi Dr. Edmundo Viegas. Nomós husi UNPAZ nian, Magnífiku Reitór Dr. Adolmando Soares Amaral, Lic. Eco.,MM. Vise Reitór Asuntu Akadémiku, Dr. Joaninho Xavier Hei, Lic. CSH.,M.Ed.,PhD. Vise Reitór Asuntu Administrasaun Geral e Finans.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
