UNPAZ HETAN ONA RESPOSTA HUSI BANKU MANDIRI BA DOSENTE NO FUNSIONARIU ASESU BA KREDITU

UNPAZ HETAN ONA RESPOSTA HUSI BANKU MANDIRI BA DOSENTE NO FUNSIONARIU ASESU BA KREDITU

Dili-Universidade da Paz (UNPAZ) ohin hetan prezensa husi ekipa Banku Mandiri Timor-Leste, halo diskusaun ho Magnifiku Reitór, hodi relata proposta ne'ebé universidade submete durante tinan tolu nia laran kona-ba asesu kreditu, ne'ebé foin hetan resposta positivu ba dosente no funsionariu bele asesu ba kreditu husi Banku Mandiri, Iha Reitór Kna'ar fatin (02/08).

Magnífiku Reitór, Universidade da Paz, Dr. Adolmando Soares Amaral, Lic. Eco.,MM. hateten proposta ne'ebé ita hato'o ba banku mandiri kleur ona, para universidade da paz bele asesu ba kreditu, tantu ba instituisaun no ba individu, nune'e bele hadia sira-nia vida moris.

Ita parseiru ho mandiri, ita presiza tebes tres anus hodi hetan nia resposta kona-ba kreditu nian, tanba ne'e mandiri pusat fó ona resposta mai mandiri Timor-leste, tanba ne'e mak ohin sira mai informa ba oin, Dosente no Funsionariu UNPAZ bele asesu ona ba kreditu, tanba ne'e mak ohin ekipa ne'e mai ita halo diskusaun hamutuk.

"Agora universidade fasilita no foti risku ba dosente no funsionariu ne'ebé permanente bele asesu ba kreditu, Dosente no Funsionariu kontratadu seidauk bele asesu ba kreditu, tanba ne'e agora ita sei fasilita la'ós Dosente no Funsionariu ne'ebé permanente atu asesu ba kreditu, Kreditu ne'e rasik sei implementa iha tempu badak, posibilida iha fulan oin bele realiza ona kreditu ba dosente no funsionariu sira iha UNPAZ, tanba informasaun serteza ona, tanba iha tempu tinan tolu nia laran ita hein, ohin ita hetan ona resposta",dehan Reitór.

Nia hatutan kona-ba montande depende ba nia salariu, depois kreditu halo nusa, ema sei analiza hafoin bele aprova kona-ba proposta ne'ebé mak dosente no funsionariu aprezenta kona-ba kreditu ne'e rasik.

Entretantu iha diskusaun ne'e, Magnífiku Reitór, Universidade da Paz, Dr. Adolmando Soares Amaral, Lic. Eco.,MM. Vise Reitór Administrasaun Geral Finansas ho Diretor, Pro-Reiotor DRH. ho Ekipa Banku Mandiri Timor-Leste.