UNPAZ HETAN BAINAKA ESPESIAL HUSI KONGREGASAUN JESUITA HODI HALO PALESTRA BA ESTUDANTE SIRA

UNPAZ HETAN BAINAKA ESPESIAL HUSI KONGREGASAUN JESUITA HODI HALO PALESTRA BA ESTUDANTE SIRA

Dili-Universidade da Paz (UNPAZ) hetan Prezensa Oradór husi kongregasaun Jesuita n Pé Sidelizio Ornai Pereira, hodi hala’o palestra ba estudnte sira kona-ba tema “Formasaun Karakter No Intelektual Núdar Xave ba Dezenvolvimentu Jerasional”, Iha Salaun José Kasimiru (27/02).

Orador husi Kongregasaun Jesuita, Pé Sidelizio Ornai Pereira, hateten bazeia ba tema ne’ebé fó, iha pontus importante neen ne’ebé atu ita ema apriende no tau prátika iha vida moris nian mak; 1.Kuida ba ema, 2.Olístika, 3.Pontekensia, 4.konsiénsia, 5.Kompaisaun no 6.Koprimísiu.

“valores neen(6) ne’e iha ema ida ninia formasaun karaktér ema ida nian iha vida akadémika, atu valores neen ne’e la’o di’ak liután, ita tenki hatudu iha asaun no asaun ne’e tenki mai ho paixaun i paixaun ne’e sempre la’o ho domin. Domin presija hatudu lolo’os iha asaun duke iha liafuan de’it. Atu dehan ba ita domin la’os buat ne’ebé ita senti iha o nia aan, hanoin iha o nia intensaun ko’alia liafuan midar ho ema seluk maibé saida mak ita halo iha ita-nia asaun prátika, hahalok no lala’ok moris nian hodi demonstra domin katak ita-nia hahalok ita-nia prátika ita-nia atitude demonstra ita-nia domin ne’ebé ita iha la’os de’it ba ita-nia aan maibé ba mós ema seluk"tenik.

Ita tenki ko’alia barak maibé tenki hatudu mós iha asaun dalaruma asaun la reflete buat ne’ebé mak ita ko’alia. Domin lolo’os nia hatudu nia aan iha asaun la’os iha liafuan ne’ebé ita reklama no ejije ita nia hanoin liafuan no hahalok iha asaun tenki la’o hamutuk karik ida ne’e maka integridadade, integridade maka ema koko atu integra valores sira ba moris hodi halo asaun ne’ebé mak lolo’os bazeia ba domin, kondolénsia hatudu domin iha asaun.

Oradór ne’e afirma, objetivu husi esperiénsia no formasaun edukasaun maka atu halo ema sai ema no sai execelente iha asaun, iha asaun domin lolo’os ita haree iha komete erru(halo sala). Labele haree sira hanesan ema aat, ema ladi’ak ka haree fali sira hanesan imi nia inimigu se nune’e imi labele ona akompaña sira, imi labele ona lídera sira, imi labele ona guia sira tanba tuir ita-nia matan sira ne’e aat entaun atu servi sira ne’e susar lo’os. Se imi haree sira nia frakeza imi foti hanesan oportunidade atu hadi’a no tansforma imi nia apriendisazem sei fó rezultadu di’ak ba imi iha futuru.

Oradór ne'e subliña, tema ne’ebé lori katak, tema ne’ebé iha husi prespetiva edukasaun jezuita nian ne’ebé mak Amu Pe. Rasik observa no hanoin katak ida ne’e mós aplikável ba estudantes hotu-hotu tanbá prinsipais kakarterístika nu’udar ema ita presja atu adopta apriende no prátika iha ita-nia moris.

Entretantu iha eventu ne’e, modera husi Amu Kapelaun, Manuel Pinto, Oradór husi Kongregasaun Jesuita, Pé Sidelizio Ornai Pereira, no hetan partisipasaun masimu husi Komisaun sira hotu inklui Sivitas Akadémiku Universidade da Paz.