UNPAZ HAN KALAN HAMUTUK HO KOMUNIDADE SIRA IHA COM

UNPAZ HAN KALAN HAMUTUK HO KOMUNIDADE SIRA IHA COM

Dili-Universidade da Paz (UNPAZ) estrutura UNPAZ no estrutura FNM, realiza konfrternizasaun ho komunidade sira iha Suco Com, Posto Lautem, Munisipiu Lautem, 23/10/23.

Xefe Suco Com, Sr. Cergo Jose Cristovao, katak ha'u lori komunidade Suco Com, nia naran hato'o Obrigadu Wa'in ba Sr. Reitór ho nia komitiva tomak nia prezensa iha ami nia Suco durante loron tolu nia laran, ne'e kontribui no promove tebes ami nia Turismu komunitariu Com.

"Prezensa Ekipa UNPAZ iha Com, maske hala'o atividade Universidade nian, maibe durante loron tolu nia laran komunidade senti UNPAZ la'ós iha bolsu, maibe UNPAZ iha sira nia fuan"dehan Xefe Suku.

Iha fatin hanesan, Magnifiku Reitór, Dr. Adolmando Soares Amaral, Lic.Eco.,MM, katak prezensa UNPAZ iha Com, ho Objetivu ami mai hala'o atividade Workshop Annual ba tinan Akademiku 2023 nian, ho ida ne'e mak ami konvida autoridade no komunidade sira para ita bele han kalan hamutuk iha fatin ida ne'e.

Na kualidade hanesa Reitor husu ba komunidade sira iha Com, atu promove tan Turismu komunitariu Com, halo di'ak para bele atrai ema estrangeru sira bele mai barak iha ne'e, tanba ita ko'alia de'it ba mina no buat seluk, ita tau mós Turismu hanesan alternativu ida Turismu depois be mina no gas.

"Hau apresia ba komunidae Com nia maturnidae no komportamentu ne'ebé mak diferente ho fatin seluk ne'ebé ami haree, ami iha ne'e durante loron tolu sira konversa ho ami, hatudu oin midar mai ami no servisu di'ak tebes ho ami iha fatin ida ne'e, ida ne'e ami hato'o agradese wa'in ba ita bo'ot sira hotu",dehan Reitór.

Reitór Promete, UNPAZ sei oferese bolsu ba komunidae Suco Com nia oan na'in 20 eskola gratuita iha UNPAZ, nomós ami sei apoiu tan keramik ba Kapela Com, no komputador ho printer ba paroquia Cristu Liu Rai Com, oferese mós supreza ba alin estudante sira ne'ebé mak mai anima ami ho dansa kultural no dansa moderu iha fatin ida ne'e.

Partisipa iha atividade autoridade sira, Universidade, no Fundasaun, komunidade sira ihklui mós desente no funsionariu sira hotu.