UNPAZ HALO SIMULASAUN HODI PREPARA BA ATIVIDADE AVALIASAUN LISENSA OPERASIONAL HUSI MESSK BA PROGRAM

UNPAZ HALO SIMULASAUN HODI PREPARA BA ATIVIDADE AVALIASAUN LISENSA OPERASIONAL HUSI MESSK BA PROGRAMA ESTUDU FOUN SIRA

Dili-Universidade da Paz (UNPAZ) liuhusi Magnífiku Reitór, Dr. Adolmando Soares Amaral, Lic. Eco.,MM. realiza reuniaun hamutuk ho Estrutura Universidade, Ekipa Boran no Corpus Dosentes sira hotu ne’ebé ho nivel edukasaun Doutoramentu no kandidatu Doutoramentu, ho asuntu maka halo “Simulsaaun hodi Prepara Ba Atividade Avaliasaun Lisensa Operasional Husi Ministru Ensinu Superior Siensia e Kultura (MESSK) ba Programa Doutoramentu iha Jestaun Estratejia, Administrasaun Públika no Siensia Direiru”,ne’ebé sei akontese iha dia 27 de Outubru 2023, iha Aula Prof. Dr. Lucas da Costa (26/10).

Magnífiku Reitór, Universidade da Paz, Dr. Adolmando Soares Amaral, Lic. Eco.,MM. hateten ita hala’o reuniaun hamutuk iha dader ida ne’e, hodi halo simulasaun ba preparasaun avaliasaun lisensa operasional ba programa estudu foun sira, tanba ne’e iha tinan ida ne’e UNPAZ lori programa 10 ba lisensa operasional, rua iha nivel doutoramentu, ida iha nivel mestradu no hitu iha nivel lisensiatira, iha tempu hanesan mós halo avaliasaun ba muda naran Fakuldade Saúde Públika, ba fali Fakuldade Saúde Públika e Ciensia Medica (FSPeCM).

Entretantu iha reuniaun ne’e, Lídera husi Magnífiku Reitór, Universidade da Paz, Dr. Adolmando Soares Amaral, Lic. Eco.,MM. Dekanu sira, Vise-reitores sira, Ekipa Boran no Corpus Dosentes sira hotu ne’ebé ho nivel edukasaun Doutoramentu no kandidatu Doutoramentu sira.