UNPAZ HALO NEGOSIASAUN HO KOMUNIDADE NA\'IN 2 NA\'IN BA RAI HEKTARES 8 IHA COVALIMA

UNPAZ HALO NEGOSIASAUN HO KOMUNIDADE NA'IN 2 NA'IN BA RAI HEKTARES 8 IHA COVALIMA

Covalima 04/04/2024, Universidade da Paz (UNPAZ) liuhusi Magnífiku Reitór, Dr. Adolmando Soares Amaral, Lic. Eco.,MM. hamutuk ho Diretor UNPAZ Ramu Covalima, Sr. Silvester Ferreira, Lic. Eco.,MM. Halo diskusaun ho komunidade na'in rua, Sr. Vasco Kehi no Sr. Olivio do Carmo, ne'ebé na'in ba Rai kuaze hektares ualu (, ne'ebé atu halo kontratu ho UNPAZ, hodi prepara planu UNPAZ ba futuru iha Covalima.

Rai Nain Vasco Kehi, hateten rai ne'ebé atu halo kontratu ho UNPAZ, la'ós rai estadu, maibé rai heransa ne'ebé husi pai nian, ne'ebé fahe ba oan ami, tanba ne'e mak ohin ami hasoru malu ho Magnífiku Reitór, hodi ko'alia kona-ba rai refere, nune'e bele prepara UNPAZ ida ne'ebé di'ak liu iha rai Covalima.

"Rai ne'e ha'u garante katak ba UNPAZ la iha problema, tanba rai la'ós estadu nian nomós ema seluk nian lae, maibé rai ne'e heransa husi pai sira nian ne'ebé oferese ba oan ami, tanba ne'e laiha problema ruma, tanba dokumentus kompletu",dehan Na'in ba Rai Kehi.

Iha sorin seluk, Sr. Olivio do Carmo hatutan, hanesan Covalima oan, ami prontu servisu hamutuk ho UNPAZ halo mós negosiasaun ho Komunidade balu iha rai, atu bele halo kontratu ho UNPAZ/servisu hamutuk ho UNPAZ, hodi prepara UNPAZ iha Covalima, nune'e oan sira bele kontinua sira-nia estudu ho di'ak, atu bele garante ba futuru no dezenvolvimentu iha Rai Covalima.