![UNPAZ HALO ABERTURA BA PROGRAMA ESTAJIU SOSIAL TINAN AKADEMIKU 2022](https://unpaz.tl/asset/foto_berita/22.png)
UNPAZ HALO ABERTURA BA PROGRAMA ESTAJIU SOSIAL TINAN AKADÉMIKU 2022
Dili-Universidade da Paz (UNPAZ) hala’o serimónia abertura programa estajiu sosial tinan akadémiku 2022, ho tema “Hatoman A’an Moris Inovativu, Disiplina No Didika A’an Ba Sosiedade Hodi Promove Paz No Dezenvolvimentu Ba Rai Doben Timor-Leste, iha Salaun José Kasimiru (24/05).
Magnifiku Reitór Universidade da Paz, Dr. Adolmando Soares Amaral, Lic. Eco.,MM. hateten, ha’u enkoraja ita bo’ot sira mak tenki sai alternativa ba dezenvolvimentu, no rejulta povu ba moris di’ak agora no iha futuru, tanba ne’e ha’u husu ita bo’ot sira atu displina iha ita bo’ot sira nia tempu no halo jestaun di’ak iha ita bo’ot sira nia tempu, atu nune’e bele sai alternativa ba dezenvolvimentu.
Nia hatutan, bainhira ita bo’ot sira atu finaliza ita bo’ot sira nia estudu iha nivel superior, ita bo’ot sira presija halo buat rua, iha estajiu profisional nomós estajiu sosial, tanba ne’e ba ita sira ne’e hotu atu ko’alia kona-bá povu ita tenki tun ba hamutuk ho sira, depois fila fali mai ita ita bele ko’alia, tanba ita iha baze atu reprezenta sira hodi ko’alia ba governu no ko’alia ba públiku.
Ha’u husu ba ita bo’ot sira aproveita tempu ne’e ho di’ak, disiplina halo jestaun ba ita bo’ot sira nia tempu ho ita nia lema ne’ebé mak iha, depois de 30 dias, ita bo’ot sira sei muda ona hahalok, tanba ita bo’ot sira sei sai alternativa ba rai ida ne’e no ba povu ida ne’e.
“Ita bo’ot sira mós kualidade iha rai ida ne’e, labele lakakon ho ita nia maluk sira seluk ne’ebé eskola iha universidade seluk, tantu iha rai liur no iha rai laran, ita diferensia iha fatin, diferensia iha lingua, maibe ita aprende siénsia no teknologia hanesan, tanba ne’e ita lubuk ida iha ne’e mós bele sai alternativa ba dezenvolvimentu ba rai ida ne’e no rejulta povu ba moris di’ak ne’e ita hotu nia responsabilidade”,dehan Reitór UNPAZ.
Reitór salienta, ita bo’ot sira tenki forti, ita bo’ot sira tenki hanoin, ohin loron ita bo’ot sira mai tur iha ne’e atinji semester 7-8 ne’e la’os buat fasil, iha ema lubuk ida mak halo sakrifisiu ba ita bo’ot sira, tanba ne’e hanoin sakrifisiu ne’ebé sira halo, kaer sakrifisiu ne’ebé sira halo no ita bo’ot sira tenki fiar a’an hodi sai alternativa ba dezenvolvimentu ba rai ida ne’e, no ikus mai ita hotu lori povu iha rai ida ne’e ba moris di’ak, ida ne’e mak importante iha Universidade da Paz.
Agora la’os tempu ema atu hatudu liman ba malu, agora tempu ema ho koñesimentu, mai ho ideias ne’ebé inovativu, mai ho hahalok ne’ebé ho kreatividade a’as depois halo asaun ruma, ida ne’e iha tempu ida agora, Nia Subliña.
Entretantu iha abertura ne’e loke diretamente husi, Magnifiku Reitór Universidade da Paz, Dr. Adolmando Soares Amaral, Lic. Eco.,MM. nomós akompaña husi estrutura sira hotu, inklui Estudante estajiadu/a sira hotu iha Universidade da Paz.