UNPAZ GRADUA TAN GRADAUADU 778 BA ETAPA DARUAK NIAN

UNPAZ GRADUA TAN GRADAUADU 778 BA ETAPA DARUAK NIAN

Dili-Universidade da Paz (UNPAZ) liuhusi Senadu Universidade realiza serimónia solene graudasaun tinan akadémiku 2023, ba etapa daruak nian ba programa lisesnsiatura ba dala XVII ne’ebé kompostu husi Fakuldade tolu hanesan, Fakuldade Ekonomia ho total graduadu, atus tolu haat (304) Fakuldade Ciensia Sociais Humana ho total graduadu atus rua neen nulu resin lima (265) no Fakuldade Enjeñaia ho total graduadu atus rua sia (209) total graduadu ne’ebé kompostu husi fakuldade tolu ne’ebé gradua ba faze daruak ne’e, hamutuk, atus hitu, hitu nulu resin ualu (778), no tema ba graduasaun tinan ida ne’e, Dezenvolve UNPAZ Sai “World Class Entrepreneurship”,iha Salaun Jose Kasimiru (02/12).

Magnífiku Reitór Universidade da Paz, Dr. Adolmando Soares Amaral, Lic. Eco.,MM. hateten lori sivitas akadémiku universidade da paz nia naran, hakarak hao’o no hase, bemvindu ba inan aman sira, ne’ebé ohin bele investe ona ita boot sira-nia tempu no enerjia nomós orsamentu, atu akompaña serimónia solene graduasaun ida ne’e, tanba ne’e, hanesan reitor atu ko’alia buat tolu. Iha serimónia graduasaun ida ne’e mak hanesan, primeru Kampus hanesan instituisaun akadémiku nomós hola funsaun hanesan sosiedade sivil, ita bele ko’alia ba estadu no governu, segundu progresu tomak ne’ebé akontese iha UNPAZ, ita tenki informa ba inan aman sira, tanba sira mak tulun no kontribuisaun, maka UNPAZ to’o ohin loron la’o to’o faze ida ne’e, terseiru hanesan imi nia maun sei nafatin hato’o mensagen/motivaaun ba imi graduadu sira hotu.

Nia esplika, kampus hanesan instituisaun akadémiku nomós hola funsaun hanesan sosiedade sivil, ita iha dever atu haree lala’ok estadu no governu iha rai ida ne’e, dala wi’in ita haree ita nia lider no polítiku na’in sira, sempre ko’alia uza povu ba interese sira-nia polítika nian, tanba ne’e, ita hakarak akompña interese ne’ebé sira ko’alia, uza povu ba polítika sira nian, povu ida ne’e sente ona efeitu husi polítika ka argumentu sira ne’e, tanba ne’e, ita akompaña ba prosesu tomak ejekusaun orsamentu ne’ebé deskute katak, orsamentu ida ne’e povu nian, se orsamentu ne’e povu nian, papel hanesan ema akadémiku, hanesan instituisaun akadémiku hanesan sosiedade sivil, ita iha responsabilidade moral atu fó hanoin, liuhusi hanoin no opiniaun sira, hakerek iha jornal, ko’alia iha rádiu no ba deskute iha telivizaun nomós iha média sira seluk, atu nune’e bele fó hanoin nafatin ba sira ne’ebé iha sisitema nia laran, para atu halo ejekuasaun orsamentu ne’e ho responsabilidade, tanba orsamentu ida ne’e povu nian.

“Husu ba graduadu sira, la’os gradua hotu sai ba nonok hela de’it nomós tama iha siistema nia laran nonok hela de’it, ita boot sira gradua ona tama iha siistema nia laran, balu servisu ba governu no setor privadu sira, no balu kria rasik kampu traballu ba nia an rasik no fó espasu ba ema seluk, maibe labele lakon vontade hanesan ema akadémiku, ne’ebé hola papel importante hanesan sosiedade sivil, ita tenki fó nafatin ita nia hanoin, labele tama ona Sistema nia laran, iha kampus ita ko’alia barak, depois ita tama iha Sistema nia laran, tauk lakon pozisaun ita nonok tiha no ita hakarak akompña Sistema ne’ebé la’o la di’ak iha rai ida ne’e, ida ne’e, labele akontese ba graduadu sira iha 2023 ne’e, tanba ne’e husu ba ita boot sira hetan pozisaun ruma iha instituisaun sira, haree pozisaun ne’e ho responsabilidade, labele haree pozisaun ne’e hanesan oportunidade, tanba ne’e, ha’u ekoraja nafatin ita boot sira, hatudu nafatinita imi nia kualidade, ne’ebé ita bele halo buat kiik, maibe ba ema barak nia interese”,dehan Reitór UNPAZ.

Reiór salienta liu tan, UNPAZ agora bele halo makina dulas kafe musan sai ba kafe ut, UNPAZ halo makina atu koa maek, UNPAZ halo makina atu dulas hare, UNPAZ hamosu ona aplikasaun ida, atu hamate ahi kuadu ita sai husi uma haluha taka lampu sira, ita bele iha ne’ebé, ita asesu liña internet, ita bele hamate lampu iha uma, UNPAZ mós transforma hudi abut sai ba rebusadu, ai-nanas sai ba tua, aidila sai ba mermelada, ami kualidade kualidade, ami hatudu liu husi produtu inovasaun ne’ebé ami hamosu iha kampus, tanba ne’e teoria ne’ebé di’ka, bazeia ba realidade no fó solusaun no hamosu produtu ema bele konsumu, ida ne’e mak ema ko’alia kualidade, UNPAZ to’o ona iha faze ida ne’e, tanba ne’e agradee ba inan aman sira, ba fiar tomak ne’ebé fó mai iha universidade da paz, ho ida ne’e atu dehan de’it katak, UNPAZ la’os ami, UNPAZ la’os imi, UNPAZ la’os sira, UNPAZ sosiedade nian, UNPAZ povu nian, tanba ne’e UNPAZ mak povu, povu mak UNPAZ.

Prezidente Konsellu Administrasaun FNM, Eng. José S. Menezes M.FoodTech, hato’o apresiasaun no agradesimentu ba inan aman Graduadu sira tomak, ba imi nia suporta ba oan sira-nia susesu ohin loron, tanba ne'e parabens ba no laran haksolok ba graduadu sira hotu, ba fakuldade ekonomia, Siensia sosiasi Humana no enjeñaria, hodi itahotu halibur hamutuk iha fatin ida ne’e, hodi sai sasin sira nia graduasaun lisensiatura ba dala XVII no Mestradu ba dala VII, tinan akadémiku 2023, iha Universidade da Paz. Atividade ida ne’e kada tinan sempre akonetse.

“Graduadus sira ohin nu'udar momentu importante ba imi hotu, hanesan etapa foun ida, ba imi nia jornada moris nian, tanba ne'e lori fundasaun nia naran, hato'o sentimentu orgullu no gratidaun ba progresu no susesu ne'ebé akontese iha Universidade da paz, susesu sira ne'e hotu, tanba imi hotu no ita hotu nia kontribuisaun, ita mós lahaluha hato'o agradese ba matebian Prof, Dr. Lucas da Costa, ne'ebé ita nia aman no ita nia Mestri ne’ebé hari’i hela obra boot ida ne'e, tanba ne'e ita mak iha responsabilidade tomak atu habelar no haburas”,dehn Prezidente FNM.

Reprezenta Inan Aman Graduadu, Sra. Virgina Ana Belo, agradese ba magnífiku reitor ho estrutura tomak nomós ba parte hotu iha universidade da paz, ne’ebé bele hakonu no suporta hodi fó oportuniade ba ami nia oan sira, bele termina sira-nia estudu, espera la to’o ba iha ne’e de’it, maibe balun hakarak kontinua nia mestradu no doutoramentu, ami fiar katak bele fasilita nafatin sira, matenek ne’ebé imi husik hela ba ami nia oan sira, sira sei la husik leet de’it, maibe matenek ne’e ita boot sira transforma bele prepara sira-nia an iha futuru ne’ebé di’ak.

Reprezenta Graduadu, Ivonia Julmira Maria dos Santos, hato’o obrigadu wi’in ba manorin na’in sira, iha uma boot kampus UNPAZ ne’ebé sai knuk matenek nian ba ita graduadu/a sira, hodi bele buka no haklean, matenek, badaen no atitude liuhusi prosesu aprendisazajen durante tinan haat nia laran, solok bo’o ohin matenek ida ne’e hanesan bee, ne’ebé ita ida-idak kuru ituan-ituan, iha Universidade da Paz no hatudu liuhusi titulu akadémika lisensiatura, tanba ne’e, matenek ida ne’e nu’udar naha todan ida, ne’ebé ita ida-idak nu’udar responsabilidade. Agrdaese ba senadu universiudade UNPAZ, dosente nomós diresaun tomak, tanba ita boot sira-nia matenek no jere UNPAZ ho di’ak,, nune’e ami lasente impedementu ruma iha prosesu aprendizajen nian, to’o momentu ida ohin tama ba graduasaun, agradee mós ba inan aman no familia sira hotu, ne’ebé duranre ne’e apoiu no kontribuisaun, ami bele finaliza estudu, imi nia favor ami selu labele, maibe ami hato’o de’it agradese.

Entretantu serimónia graduasaun ne’e, partisipa husi, Magnífiku Reitór Universidade da Paz, Dr. Adolmando Soares Amaral, Lic. Eco.,MM. Prezidente Konsellu Administrasaun FNM, Eng. José S. Menezes M.FoodTech ho Komitiva tomak, komvidadus sira hotu, Estrutura Universidade ne’ebé kompostu husi Dekanu Fakuldade Neen, ho estrutura tomak fakuldade nian, Vise-Reitores sira, Pro-Reitor sira, Diretór/a Unidade sira, Dosente Funsionariu, Inan aman ho familia sira hotu inklui sivitas Akadémiku Universidade da Paz.