![UNPAZ GRADUA TAN FINALISTA HUSI PROGRAMA MESTRADU NO LISENSIATURA BA FAZE DARUAK](https://unpaz.tl/asset/foto_berita/514.jpg)
UNPAZ GRADUA TÁN FINALISTA HUSI PROGRAMA MESTRADU NO LISENSIATURA BA FAZE DARUAK
Dili-Universidade da Paz (UNPAZ) realiza serimónia Graduasaun ba programa lisensiatura ba dala XVI no programa mestradu ba dala VI tinan akadémiku 2022 ho tema “Hasoru Globalizasaun UNiversidade da Paz, Ami Mai Ho Hnaoin Kreativu No Inovativu Hodi Konstrui Ba Inovasaun IhaTimor-Leste, iha Salaun José Casimiro (21/12).
Magnífiku Reitór Universidade da Paz, Dr. Adolmando Soares Amaral, Lic.Eco.,MM. hateten, na kualidade hanesan reitór hakarak hato’o progresu ituan ba inan aman sira, kona-ba ezistensia universidade da paz to’o ohin, iha tinan sanulu resin sia (19) ezistensia husi inan aman sira, ne’ebé tau fiar ba universidade da paz no investe makas, hodi haruka ita bo’ot sira nia oan mai tuir prosesu aprendisajen iha ne’e, maka ohin loron progresu universidade da paz sai hanesan ne’e. Agradese no obrigadu ba inan aman sira nia konfiansa hodi haruka ona ona sira mai tuir prosesu aprendisajen iha universidfade da paz.
Nia hatutan, Progresu ne’ebé universidade da paz, ho inan aman nia investimentu ne’ebé haruka oan sira mai aprriende iha UNPAZ, tanba ne’e husu ba ita bo’ot sira haree ba investimentu ne’ebé sosiedade fó ba universidade da paz hodi halo jestaun no produs ita bo’ot sira sai fali rekursu, maka husu ba ita bo’ot sira atu fó alternativa ba povu no rai ida ne’e no asegura polítika governu no estuadu ida ne’e.
“Ohin ita bo’ot sira tuir ona gradusaun, husu ba ita bo’ot sira fila husi ne’e, siénsia ne’ebé ita bo’ot sira apriende iha ne’e, tenki kuda iha ema, transforma ema nia mentalidade katak, ita hotu ne’ebé moris iha rai ida ne’e, ita hotu hanesan de’it, laiha ema ida mak bo’ot liu fali lei iha rai ida ne’e, tanba ne’e, ita bo’ot sira tenki brania atu ko’alia, labele hanoin ita bo’ot sira, atu lakon poder iha rai ida ne’e, se kuandu ita bo’ot sira halo buat di’ak ba rai ida ne’e no povu ida ne’e, ohin ita tun, aban ita bo’ot sira sa’e fali, tanba ne’e imi fiar ba ida ne’e”,dehan Reitór.
Prezidente Konsellu Administrasaun Fundasaun Neon Mwetin Eng. José Menez, Tec. Food, agradese no apresia tebes familia graduadus sira nian, ne’ebé depozita no komfiansa hodi haruka ona oan sira mai kontinua sira nia estudu iha universidade da paz, koslok no kontente ba graduasu sira husi mestradu no lisensiatura sira hotu ne’ebé gradua ona iha tinan ida ne’e. Lori fundasaunnia naran, hakarak hato’o obrigadu wa’in ba estrutura tomak universidade da paz, ne’ebé kada tinan sempre organbiza graduasaun.
Reprejentante inan aman, Padre, Yohanes, hato’o parabens no obrigadu wa’in ba sivitas akadémiku unversidade da paz, liu-liu ba graduadu/a sira ne’ebé susesu ona, ita hotu haksolok, tanba sertifikadu iha ona ita oan sira nia liman, maibe sei todan bo’ot ida ne’ebé mak ita oan sira sei hasoru mak kompetisaun servisu nian.
“Agradese no obrigadu wa’in ba manorin na’in hotu iha instituisaun universidade da paz, ne’ebé dedika ona matenek no sakrifisiu durante tinan haat nia laran ba ami nia oan sira, to’o duni nia final ohin bele simu gradusaun iha fatin ida ne’e”,dehan Pe. Yohanes.
Reprejenta Graduadus, Anguela Soares, Lic.SP. hateten, serimónia gradusaun hanesan rekoñesimentu ida husi akadémiku ba estudante finalista estudu husi instituisaun iha prosesu aprendisajen. Ohin loron importante ida ne’ebé ami lembra fila fali ba kotuk, wa’in-hira ami hakat ain mai iha knua matak no mahon universidade da paz, hodi aprofunda ami nia koñesimentu no abilidade iha área siensia saúde públika, enjeñaria no direitu iha nivel mestradu no lisensiatura. Iha oprtunidade murak ida ne’e, lori lian graduadus sira hotu, hato’o agradesimentu ba inan aman, ohin hamutuk iha fatin murak ida ne’e, tanba hetan determinasaun husi esforsu inan aman no familia sira nia, sai hanesan fontes bo’ot ida ba susesu ami nian.
“Agradese no profundu ba instituisaun akadémiku universidade da paz, ne’ebé sai ona fatin no knua mai ami hodi pinta ami nia kakutak ho kores oi-oin nomós sai ona identidade ba ami nia formasaun akadémiku, orgullu tebes hodi pazparte ba familia bo’ot univerisdade da paz, hodi forma ami kualifikadu iha área oi-oin, hodi responde ba merkadu nasional nomós internasionál liu-liu ha’u rai timor-leste. Ohin ba oin ami la’os inan aman nian de’it, la’os mós akadémiku nian de’it, maibe ami mak rekursu sosiedade timor-leste nian”,tenik Nia.
Gradusaun iha faze daruak ne’e husi fakuldade tolu (3); Fakuldade Saúde Públika graduadus hamutuk (197), Fakuldade Enjeñaria, graduadus hamutuk (229) no Fakuldade Direitu graduadus, hamutuk (197), nune’e programa Mestradu graduadus hamutuk (27), totál graduadus ba faze daruak hamutuk (649) ne’ebé kompostu husi programa lisensiatura no programa mestradu. No total finalista husi programa rua ne’e, husi faze dahuluk no faze daruak nian ba tinan akadémiku 2022, hamutuk (1138).
Entretantu Iha serimónia graduasaun faze dahuluk ne’e, palestra siéntifiku husi Dr. Nilton Diamantino Paiva Mau, Ph.D, hetan partisipa másimu husi Senadu Universidade da paz ne’ebé kompostu husi dekanu fakuldade 6, vise-reitores sira, xefe-departamentus, pro-reitores, diretór/a unidades sira, dosentes, Inan-Aman no familia sira hotu, Membru PNTL, destintus konvidadus sira hotu, inklui sívitas akadémika universidade da paz.