UNPAZ FO TESTE BA FUNSIONARIUS TEKNIKU ADMINISTRASAUN SIRA

UNPAZ FÓ TESTE BA FUNSIONÁRIUS TÉKNIKU ADMINISTRASAUN SIRA

Universidade da Paz (UNPAZ), Realiza Konkursu Teste Ba Tékniku Administrasaun Sira, Bazeia Ba Desizaun Workshop Ne’ebé Lidera Husi Magnífiku Reitór Hamutuk Ho Estutura Universidade Fakuldade, Dosenstes No Funsionárius Sira Iha Loron 15 De Juñu 2023 Deside No Hakotu Bazeia Ba Sosializasaun Rezultadu Workshop Ba Rekursu Hotu Iha Universidade, (21/08).

Magnífiku Reitór Dr. Adolmando Soares Amaral, Lic.Eco.,MM informa, Atividade ohin ne’e kontinuasaun ba diskuti workshop extra-ordináriu fulan kotuk liubá, ne’ebé hahú halo sosializasaun tuir mai forma komisaun independente ne’ebé Universidade no Fundasaun nia reprezentante sira atu kontinua halo teste ka konkoursu ba funsionáriu sira hotu iha universidade da paz.

“Konkursu ida ne’e la’os Fundasaun ka universidade mak hakarak halo, maibé dekretu lei ba rejime kareira mak haruka no kria atu iha duni konkursu ida ne’e. Sosializasaun ne’e antes ona, sira ne’ebé mak ohin la partisipa iha teste signifika laiha ona direitu, sira-nia direitu sira mai universidade fó pensaun fulan tolu depois nia bele ba buka servisu iha fatin seluk. Tanbá nia lakon ona oportunidade ohin tuku rua ita hahú teste se mak la mai ninia estatutu lahanesan funsionáriu Unpaz”,tenik Reitór.

Magnífiku reitór ne’e afirma, sira ne’ebé mak tuir ita atu haree se mak bele ba permanente ne’e fila fali ba ida-idak nia aan, sira ne’ebé mak tama hanesan kontratadu universidade liuhusi rekursu umanu bele prepara kontratu kada tinan. Sira ne’ebé ba hanesan funsionáriu parte tempu bele fó kontratu ba nia kada fulan neen, maibé liuhusi teste ne’e mak ita atu haree fali bele kontrartu kontinuasaun nian. Nune’e, susesu iha ita-bo’ot sira, atu liu ka la liu ne’e fila fali ba ita-bo’ot sira, komisaun, universidade no fundasaun ne’e hala’o de’it nia papél tuir lei nia haruka.