UNPAZ- ENSERA ATIVIDADE WORKSHOP ANNUAL TINAN AKADEMIKU 2023-2024 IHA COM
Dili-Universidade da Paz (UNPAZ) liuhusi Senadu Universidade hamutuk ho Fundasaun Neon Metin no Dosentes sira hotu hala’o enseramentu atividade workshop annual ba tinan akadémiku 2023 nian, iha Guest House Kati Suco Com (24/10).
Magnífiku Reitór, Universidade da Paz, Dr. Adolmando Soares Amaral, Lic. Eco.,MM, hateten atividade Workshop Anual ne'e, hanesan atividade regular ne'ebé kada tinan universidade sempre hala'o Workshop, husi Workshop ne'e mak ita bele deskobre ita nia forsa no frakeza no saida mak ita bele halo tan.
“Atividade Workshop ne'e mós ita hanoin ona, atu deskute planu ba tinan oin 2024 nian kona-ba investimentu ba infrastrutura, rekursu humanu, laboratórium no saida-saida mak sei falta, ne'e depois de Workshop mak ita foin ajustamentu ba orsamentu 2024. Orsamentu 2024 ne'ebé ita ajusta, ita sei haruka ba iha fundasaun, hodi hetan aprovasaun, hafoin bele implementa",dehan Reitór UNPAZ.
Partisipa iha Workshop Annual ne'e, estrutura Universidade, Fundasaun, Dekanu Fakuldade, Vise Reitor, Pro Reitor, Direktur Unidade sira, inklui mós Dosente sira hotu.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
