UNPAZ ASSINA NOTA ENTENDIMENTU ENTRE NIVEL UNIVERSIDADE

UNPAZ ASSINA NOTA ENTENDIMENTU ENTRE NIVEL UNIVERSIDADE

Dili-Universidade da Paz (UNPAZ) liuhusi Programa Mestradu Saúde Pública no Fakuldade Saúde Pública e Ciénsia Médica assina nota de entendimentu MoU no MoA ho Pergizi Pangan Kupang NTT, hodi servisu hamutuk iha àrea Nutrisaun nian ba futuru, iha Salaun Dr. Prof. Lucas, (6/12/24).

Dekanu FSPeCM Sr. Cipriano do R. Pacheco, AMG, Lic.,Sp. M. Kes, relata ohin reprezenta ita nia Magnifiku Reitor simu direta husi ita nia Vise Reitor Programa Mestradu no Doutoramentu Dr. Martinus Nahak Linu, AMKL, Lic.SP., M.AP., M.SP, no ohin ita iha bainaka husi Indonésia, Pergizi Pangan Kupang NTT nian.

Objetivu ohin mai ne’e ita atu assina nota de entendimentu ida MoU no MoA entre nivel universidade ba iha Programa Mestradu Saúde Pública nomós FSPeCM nian, no objetivu tuir mai husi assina ida ne'e mak ita atu servisu hamutuk ho sira liuhusi universidade, tanba iha Fakuldade Saúde Pública e Ciénsia Médica ita iha departementu nutrisaun. Ho meius ne’ebé ita uza hodi servisu hamutuk nune’e bele kontribui mós ba ita nia estadu ba melloramentu problema nutrisaun iha Timor Leste liu-liu kona-ba problema stunting”, Dehan dekanu FSPeCM.

Dekanu esklarese, Ita hotu-hotu hatene Timor-Leste problema stunting ass tebes tanba ne’e ohin ita assina ona nota entendimentu ida ne’e, no ohin ita halo diskusaun ne’ebé mak di’ak tebes, no aktividade prinsipal ne’ebé ita atu halo mak ba iha parte kapasitasaun ninian entre ita ho sira, nomós ba dosente no estudante sira, nune’e ita sei halo peskiza hamutuk no servisu Komunitária nian.

Entretantu partisipa iha assina nota entendimentu ne'e, Vise Reitor Programa Mestradu no Doutoramentu Dr. Martinus Nahak Linu, AMKL, Lic.SP., M.AP., M.SP, Dekanu FSPeCM Sr

Cipriano do R. Pacheco, AMG, Lic.Sp., M. Kes, ho estrutura, Xefe Departamentu Programa Mestradu Saúde Pública, Dr. Levi Anatólia Expostu, Lic.SP., M.Kes, inklui Dosentes sira.