UNPAZ ASINA NOTA ENTENDIMENTU HO POLYTECHNIC UNIVERSITY, PHILIPPINES

UNPAZ ASINA NOTA ENTENDIMENTU HO POLYTECHNIC UNIVERSITY, PHILIPPINES

Dili-Universidade da Paz (UNPAZ) nia Magnifiku Reitór, Dr. Adolmando Soares Amaral, Lic. Eco.,MM. asina nota entendimentu ho Polytechnic University of the Pilippines (PUP), hodi haree kona-ba “Kultura Historia nomós Siénsia no Teknologia”, liuhusi Zoom Meting iha Aula Prof. Dr. Lucas da Costa (15/03) horseik.

Vice Reitór Asuntu Akadémiku, Sr. Joaninho Xavier hei, Lic CSH.,M.Ed. hateten ohin ita asina nota entendimentu ho Polytechnic University of the Pilippines (PUP), ho UNPAZ iha área kultura historia nomós iha parte siénsia no Teknologia, para ba oin bele sai hanesan ponte ba instituisaun rua ne’e, nomós haklean koñesimentu dosente sira iha área peskiza nomós estudu komparatibu.

Vice Reitór, hatutan, ita nia dosente sira bele ba iha ne’eba no sira nian bele mai iha ita nian, tanba ita nia programa Lisensiatura no Mesrtreadu, ne’e mak ita mós presija rekursu ba iha programa mestradu nian, ho ida ne’e mak ita halo kolaborasaun ne’e hodi bele apoi malu.

“Liu-liu ba iha dosente sira tanba ita mós presija reekursu, ba iha relasaun internasional ba programa Mestradu nian, tanba ne’e mak sira mós sei harura dosente balu mai aopiu ita nia programa mestradu nian, ita mós sei haruka dosente sira ba halo estudu komparatibu, ba futuru bele servisu hamutuk”,dehan Vice Reitór.

Partisipa iha asina nota entendimentu ne’e, Magnifiku Reitór, Universidade da Paz, Dr. Adolmando Soares Amaral, Lic. Eco.,MM. Vice Reitór sira, Dekanu Fakuldade 6, Xefe Departamentu sira, Pro-Reitór, Diretór/a Unidade sira, Dosente, Funsionariu inklui Estudante sira.