UNPAZ ASINA NOTA ENTENDEMENTU HO AUTORIDADE MUNISIPIU ERMERA

#UNPAZ# 05 MARSU 2021 UNPAZ ASINA NOTA ENTENDEMENTU HO AUTORIDADE MUNISIPIU ERMERA Dili-Universidade da Paz (UNPAZ), liuhusi Magnifiku Reitór Universidade da Paz, Dr. Adolmando Soares Amaral, Lic, Eco. MM. asina akordu nota entendementu entre Autoridade Munisipiu Ermera, Sr. Jose M.S. Soares, Kona-Ba Estabelesementu Suku Modelu No Estajiu Servisu Sosial, Iha Salaun Munisipiu Ermera (05/03). Nota entendementu ne’e, Magnifiku Reitór hateten, tinan-tinan ami haruka estudante sira estajiu ba iha teritoriu hodi hala’o atividade estajiu sosial, maibe iha tinan ida ne’e iha mudansa ba estajiu sosial ne’e, katak iha familia ida tenki moris saudavel, ho ida ne’e mak Universidade iha hanoin atu implementa, atu familia ida moris saudavel ne’e mak , tenki kria fatin lixu ida, haris fatin inklui sentina. “Ita tenki halo ida ne’e, estajiu sosial ita labele haruka de’it ita nia estudante sira ba iha ne’ebá, halo de’it mak kampu, no pinta eskola sira de’it, maibe nia benefisiu lolo’os ba povu ne’e ita la haree, tinan ida ne’e estudante estajiadu sira sei mai apoiu komunidade sira iha suku rua ne’e, kada uma kain sei hetan haris fatin ida, sentina, no fatin lixu ida”,dehan Reitór. Aliende ne’e, Autoridade Munisipiu Ermera Sr. Jose M.S. Soares, ami hakarak servisu hamutuk ho Universidade, di’ak liu tan mak Universidade da Paz, maibe inisiativa primeiru mai husi Universidade da Paz Magnifiku Reitór ami agradese, orgullu ba Universidade ba ita hotu.