![UNPAZ ASINA MoU HO WCC PHILIPPINES](https://unpaz.tl/asset/foto_berita/326.jpg)
UNPAZ ASINA MoU HO WCC PHILIPPINES
Dili-Universidade da Paz (UNPAZ) Nia Prezidente Konsellu Administrasaun Fundasaun Neon Metin, Eng. José Menezes Soares da Costa, MfoodTech. asina nota entendimentu ho WORLD CITI COLLOGES (WCC) PHILIPPINES, RAYMOND PATRICK V. GUICO, MM, liuhusi Zoom iha Aula Prof. Dr. Lucas da Costa (27/02) horseik.
Vise Reitor Assuntu Kooperasaun Interna & Externa, Sr. Luis P. Cardoso, Dip.Cs, Lic. CSH,MA,Mcs. hateten, Ohin ita asina nota entendimentu ida, tanba iha kooperasaun balun ne’ebé ita atu implementa liu-liu peskiza, públikasaun, troka estudante nomós dosente sira.
“Iha asuntu barak ne’ebé mak ita konkorda hamutuk, maske sira nia prezidente la mai, maibe delegasaun na’in rua akonpaña iha ne’e, hodi asina nota entendimentu ne’e, liuhusi online ho prezidente RAYMOND”,dehan Vise Reitor Assuntu Kooperasaun.
Nia hatutan, ita sei haree nia implementasaun ne’e la’o oinsa, maibe ita nia espetasaun mak ne’e, depois de asina ita iha programa balun ne’ebé mak ita konsege realiza hamutuk nomós ita iha planu atu vizita sira nia universidade iha Manila iha fulan Marsu/Abril tinan ida ne’e.
Partisipa iha selebrasaun nota entendimentu ne’e, Prezidente Konsellu Administrasaun Fundasaun Neon Metin, Eng. José Menezes Soares da Costa, MfoodTech, Delegasaun na’in rua husi, WORLD CITI COLLOGES (WCC) PHILIPPINES, Estrutura Senadu Universidade ne’ebé kompostu husi Vise Reitores sira, Dekanu Fakuldade 6, Xefe Departamentu sira, Diretór/a Unidade sira, Dosente inklui Estudante sira.