![UNPAZ ASINA MoU HO UNIVERSITAS MUHAMMADIYAH MALANG](https://unpaz.tl/asset/foto_berita/261.jpg)
UNPAZ ASINA MoU HO UNIVERSITAS MUHAMMADIYAH MALANG
Dili-Universidade da Paz (UNPAZ) asina nota entendimentu (MoU) ho Universitas Muhammadiyah Malang, hodi hala’o servisu hamutuk entre universidade rua ne’e ba iha futuru iha Malang Indonesia, (25/11)horseik.
Liu husi asina MoU ne’e, parte husi Universitas Muhammadiyah hateten, iha futuru mai universidade rua ne’e bele suporta malu hodi bele atinji tarjetu ne’ebé planu tiha ona, ida ne’e hanesan loke ona odamatan atu bele aplika buat ne’ebé asina ona MoU ne’e.
Iha sorin seluk, Prezidente Konsellu Administrasaun (FNM), Ir. Jose Menezes, deklara, akordu tinan tolu (3) ne’e ita foin hahu no bele implementa akordu hanesan, peskija hamutuk, estudu komparativu no bele kontinua estudu iha universitas muhamadia iha nivel mestradu no doutoramentu, tanba sira nia programa iha ne’e hanesan ho fakuldade iha UNPAZ.
“Iha futuru sei iha enterkambiu entre estudante no dosente”dehan Prezidente Konsellu Administrasaun (FNM), Ir. Jose.
Entretantu iha partisipa iha asina akordu ne’e, Prezidente Konsellu Administrasaun (FNM), Ir. Jose Menezes, Vise Reitor Asuntu Kooperasaun, Sr. Luis Pereira Cardoso, Dip.Cs.Lic.CSH.MA. Mcs, Xefe Departamentu Prosesamentu Aihan, Dr. Xisto Martins, Gabinete Reitoradu.