UNPAZ ASINA AKORDU HO FDCH BA BOLSU HAKBIIT

#UNPAZ# 23 AGUSTU 2021

UNPAZ ASINA AKORDU HO FDCH BA BOLSU HAKBI’IT

Dili-Universidade da Paz, (UNPAZ), Liuhusi Fundu Dezenvolvimentu Capital Humanu (FDCH), asina akordu ho UNPAZ ba bolsu hakbi’it, ba estudante haat nulu (40), husi Fakuldade Enjenaria no Fakuldade Agrikola, iha Aula Prof. Dr. Lucas da Costa (23/08).

Magnifiku Reitór, Universidade da Paz,  Dr. Adolmando Soares Amaral, Lic, Eco. MM. hateten baihira ita bo’ot sira atu sai benefisiariu ba programa bolslu hakbi’it, ita bo’ot sira labele haree ida ne’e hanesan oportunidade, maibe ita bo’ot sira tenki haree ida ne’e hanesan responsabilidade.

"Bainhira ita bo’ot sira haree ida ne’e hanesan oportunidade ita bo’ot sira sei la susesu, maibé bainhira ita bo’ot sira haree ho responsabilidade loron ruma ita bo’ot sira sei finaliza estudu iha nivel Lisensiatura, no sei iha oportunidade ita bo’ot sira kontinua Mestradu no Doutoramentu", dehan Reitór.

Diretór exekutivua Fundu Dezenvolvimentu do Capital Humanu (FDCH) Sr. Hermenegildo da Silva, hatutan ida ne’e responsabilidade bo’ot ba ita bo’ot sira, ohin ami sei entrega ita bo’ot sira tomak ba dosente sira, hanorin ba, eduka ba, ho responsabilidade no kualidade.

Reprezentante bolseiru, Sr. Luciano L. da Cunha, agradese ba Fundu Dezenvolvimentu do Capital Humanu (FDCH), nomós ba UNiversidade da Paz ne’ebé ho esforsu tomak bele realiza ona programa ne’ebé importante tebes ba bolsu hakbi’it, agradese ba (FDCH ho programa ida ne’e bele aijuda jerasaun ne’ebé iha kbi’it ekonomia menus.

Partesipa iha asina akordu ne’e, Magnifiku Reitór, Universidade da Paz,  Dr. Adolmando Soares Amaral, Lic, Eco. MM. ho Estrutura tomak, Diretór exekutivua Fundu Dezenvolvimentu do Capital Humanu (FDCH) Sr. Hermenegildo da Silva, ho ekipa, Reprezentante Ministeriu Ensinu Superiór Siénsia Kultura, Sra. Amelia de Araoju, inklui bolseiru sira.