UNPAZ APOIU FINANSEIRU RIHUN LIMA BA KONSTRUSAUN KAPELA MJP MANLEUANA

UNPAZ APOIU FINANSEIRU RIHUN LIMA BA KONSTRUSAUN KAPELA MJP MANLEUANA

Dili-Universidade da Paz (UNPAZ) liuhusi Vise Reitór Asuntu Administrasaun Geral e Finansas Sr. Caetano Carceres Correia, Lic.Eco.AK.,CMA, Akompaña husi Diretor Fiansas, ne’ebé Reprezenta Magnífiku Reitór, Dr. Adolmando Soares Amral, Lic. Eco.,MM. hodi apoiu tan finanseiru hamutuk rihun lima $ 5. 000.00 ba iha konstrusaun Kapela MJP Manleuana Dili (17/09).

Vise Reitór Asuntu Administrasaun Geral e Finansas Sr. Caetano Carceres Correia, Lic.Eco.AK.,CMA, hateten konstrusaun Kapela Mauleana la’os foin mak primeira ves atu apoiu la’e, maibe hahu husi inisiu sobu no ke, UNPAZ fasilita eskapator hodi ke rai sira, maibe ohin ami mai tán dala ida hodi fó kontribuisaun labarak liu, maibe tuir forsa no kbi’it ne’ebé UNPAZ iha.

“UNPAZ nia be’e matan, la mai husi be’e fura, maibe UNPAZ be’e matan mai husi udan been, tanba ne’e kontribuisaun ne’ebé UNPAZ oferese ba sarani sira utiliza ba, se la to’o karik buka atu kompleta ita nia kapela ne’e bele di’ak. Familia bo’ot Universidade da Paz, kontribui hamutuk dolar rihun lima $ 5. 000.00 ba konstrusaun Kapela MJP Manleuana ho montante ida ne’e mak nu’udar forsa no kbi’it UNPAZ nian”,dehan Vise Reitor AGF.

Iha fatin hanesan, Prezidente Konstrusaun Kapela MJP Manleuana, Sr. Amandio Mendonça, agradese ba Universidade da Paz nia apoiu tomak ba iha finanseiru mai iha konstrusaun Kapela Manleuana, tanba ne'e, orgullu bo’ot ba UNPAZ, ami durante ne’e hein hela tulun husi fatin hotu-hotu ne’ebé ami seidauk hetan, primeira-ves mak UNPAZ apoiu finanseiru mai kapela ida ne’e.

“Durante konstrusaun kapela la’o ne’e, ami laran metin ba sarani sira-nia kontribisaun, iha apoiu ruma husi kompaña sira hanesan aijuda batako de’it, maibe ba orsamentu primeira-ves ami hetan husi UNPAZ, agradese no obrigadu wi’in ba UNPAZ nia apoiu tomak”,tenik Presidente Konstrusaun Kapela MJP Manleuana.

Entretantu misa domingu iha Kapela MJP Manleuana, Prezide husi Amu Carlito Tetilaca, akaonpaña husi Sarani sira hotu iha manleuana, iha misa ne’e mós Vise Reitór asuntu administrasaun geral e finansas Sr. Caetano Carceres Correia, Lic.Eco.AK.,CMA, akonpaña husi Diretor AGF, hodi oferese orsamentu hamutuk dolar rihun lima $ 5. 000.00 ba konstrusaun Kapela MJP Manleuana.