UNPAZ APOIU 5.000.00 BA GRUTA KORASAUN IMAKULADU DE MARIA HAEH RUA KUKATA ERMERA
Dili-Universidade da Paz (UNPAZ) liuhusi Família boot UNPAZ, ohin oferese orsamentu (5.000.00) ba Gruta Korasaun Imakuladu de Maria, ho objetivu husi apoiu finanseiru ne'e, atu halo konstrusaun ba Gruta ne'ebé oras ne'e dadaun komunidade sira servisu hela, iha Haeh Rua Kukata Ermera (07/02).
Orsamentu 5.000.00, ne'ebé apoiu husi Família boot Universidade da Paz, reprezenta husi, Prezidente ADA-UNPAZ, oferese direta ba Prezidente Komisaun Organizadora, Sr. Gastão Salsinha, akompaña husi Sefe Gabinete Retoria ho Funsionariu Gabinete no Funsionariu ADA-UNPAZ inklui Juventude sira ne'ebé hala'o hela atividade refere.
Prezidente Komisaun Organizadora, Sr. Gastão Salsinha, orgullu no agradese, tanba pela primeiraves, Universidade da Paz, hanesan universidade privadu ida ne'ebé ho fuan boot, hodi kontribui finanseiru ba konstrusaun Gruta ida ne'e. Lori komisaun Organizadora nomós komunidade iha ne'e, agradese no obrigadu wa'in ba família boot Universidade da Paz ne'ebé apoiu ona osan ho montante boot tebes ba konstrusaun Gruta ida ne'e.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
