UNPAZ ABERTURA ORIENTASAUN PROGRAMA MESTRADU AGRIKULTURA

UNPAZ ABERTURA ORIENTASAUN PROGRAMA MESTRADU AGRIKULTURA

Dili-Universidade da Paz (UNPAZ) liuhusi Vise Reitór Asuntu Programa Mestradu, Dr. Martinus Nahak, AMKL, Lic. SP.,M.AP.,M.SP. akompaña husi Xefe Programa Estudu Mestradu Siensia Agrikultura, Xisto Martins Ph.D. abertura Orientasaun Akadémiku ba Programa Mestradu Siénsia Agrikultura Anu letivu 2024, iha Aula Prof. Dr. Lucas da Costa (04/05).

Iha abertura orientasaun ne’e, Vise Reitór Asuntu Programa Mestradu, Dr. Martinus Nahak. Agradese ba estudante sira, tanba hili ona UNPAZ hodi apriende iha programa mestradu agrikola nian, tanba UNPAZ mós nu’udar mahon ida iha ita nia rai, ne’ebé koñesidu mós hanesan ensinu superior iha Tomor-Leste nomós iha mundu, oinsa bele kapasita rekursu humanu iha programa mestradu ne’ebé estabele iha UNPAZ.

"Alumi barak mak servisu ona iha instituisaun governu nian, ho ida ne’e ita bele dehan katak, kontribuisaun rekursu humanu ba iha seitor agrikultura nian, sura mós ho Universidade da Paz ba iha dezenvolvimentu nasional, liu-liu ba iha agrikultura sura mós ho ita bo’ot sira ne’ebé ohin hola parte iha UNPAZ",dehan Vise Reitór Programa Mestradu.

Nia dehan, agora tempu ona UNPAZ aumenta tán rekursu, hodi bele aumenta tán iha seitor agrikultura, tanba atu investimentu ba aban bairua ninian, atu hasa’e ekonomia iha ita nia nasaun ne’e la ses husi agrikultura.

Entretantu iha abertura programa Mestradu Agrikultura ne’e, partisipa husi Vise Reitór Asuntu Programa Mestradu, Dr. Martinus Nahak, AMKL, Lic. SP.,M.AP.,M.SP. Xefe Programa Estudu Mestradu Siensia Agrikultura, Xisto Martins Ph.D. nomós Dr. sira seluk inklui Estudante Kandidatu Mestradu Agrikultura sira.