UNPAZ ABERTURA ORIENTASAUN AKADEMIKU HO KANDIDATU ESTUDANTE FOUN NAIN 4.717

UNPAZ ABERTURA ORIENTASAUN AKADÉMIKU HO KANDIDATU ESTUDANTE FOUN NA’IN 4.717

Dili-06 Marsu 2025 Universidade da Paz (UNPAZ) realiza orientasaun akadémiku tinan 2025 kandidatu estudante foun na’in Rihun Haat atus Hitu sanulu resin Hitu (4.717) ne’ebé kompostu husi Fakuldade hitu ne’ebé eziste iha UNPAZ, ho tema “Responsabilidade Institusional Ba Kualidade Peskiza no Impaktu Dezenvolvimentu Rekursu Umanu”.

Programa orientasaun akadémiku 2025 ne’e, abertura husi Vice-PM, MCAS e Ministru do Dezenvolvimentu Rural Habitação Comunitaria, Eng. Mariano Assanami Sabino Lopes no akompaña husi Magnífiku Reitór UNPAZ Dr. Adolmando Soeres Amaral, Lic. Eco.,MM. Prezidente Konsellu Administrasaun Fundasaun Neon Metin, Eng. José Menez, M. Food.Tech ho komitiva nomós estrutura universidade, Fakuldade sivitas akadémi sira hotu, iha Salaun José Kasimiru.

Iha diskursu Vice-PM, MCAS e Ministru do Dezenvolvimentu Rural Habitação Comunitaria, Eng. Mariano Assanami Sabino Lopes, hato’o parabens ba inan aman ne’ebé tau fiar ba oan sira, hodi haruka mai apriende iha UNPAZ, nomós parabens ba magnífiku reitor ho estrutura tomak ho fundasaun nian, inklui komponente hotu-hotu ne’ebé esforsu, UNPAZ bele sai nabilan hanesan ne’e, ita bele dehan UNPAZ naran ida ne’ebé prinsipiu lutador sira nian, ne’ebé mate ba rai ida ne’e, hodi sosa ita nia paz no liberdade.

Nia dehan, UNPAZ nia naran ne’e fó ona mensagen xave katak, saida mak ita tenki halo ba rai ida ne’e, tanba naran paz ne’e hatutan lutador sira-nia mehi ne’ebé rai ne’e sai paz, tanba ne’e universidade da Paz nu’udar xave importante ida para dezenvolve nasaun ne’e ba oin, ho ida ne’e imi tenki iha mehi no vizaun ne’ebé forti hodi atinji objetivu, tanba imi importante tebes iha konstrusaun estadu ida ne’e,

“Ondra ba fundador sira nomós estrtura UNPAZ ba imi hotu nia sakrifisiu no esforsu iha UNPAZ, ne’ebé rejulta ona alumni sira husi UNPAZ balu sai membru governu no balu polisia no F-FDTL inklui funsionariu públiku no privadu iha instituisaun oi-oin sira iha teritoriu laran tomak, tanba ne’e apresia ba imi hotu nia kontribuisaun, ba UNPAZ ita sei hamutuk sai komponente ida, maske ha’u iha Vise PM, maibe laiha minitu ida maka ha’u dehan laiha tempu ba UNPAZ”,tenik Vice PM.

Vice PM mós enkoraja ba estudante sira tenki hatudu atitude no haha’ok nomós moral/etika presiza integridade no konsiensia ho justu bele iha rezultadu di’ak, tanba ne’e imi nafatin estuda atu sai heroi atu luta kontinua ba nasaun ne’e nia di’ak iha tempu sira tuir mai.

Entretantu iha abertura programa orientasaun ne’e, partisipa husi estrutura Senadu Universidade Senadu Fakuldade, dosente, Funsionariu, Kandidatu estudante foun inklui sivitas akadémiku Universidade da Paz.