UNPAZ ABERTURA JOGU FUTSAL HODI SELEBRA EZISTENSIA UNPAZ BA DALA XX

UNPAZ ABERTURA JOGU FUTSAL HODI SELEBRA EZISTENSIA UNPAZ BA DALA XX

Dili-Universidade da Paz (UNPAZ) Liuhusi Asosiadaun Desportu Akadémiku UNPAZ (ADA-UNPAZ, hala'o Serimónia Abertura jogu desportu Futsal, hodi komemora Aniversariu Dies Natalis UNPAZ ba dala XX tinan akadémiku 2024, iha Kampus Sentrál (15/02).

Prezidente ADA-UNPAZ, Sr. Julio da Silva Salsinha, Lic.CSH.,M.AP. hateten atividade jogu ida ne'e, hodi komemora ezistensia Universidade da Paz ba dala XX, tanba ne'e husu ba jogador sira joga disiplina, nune'e bele koñese malu di'ak liu tan hanesan Juventude desportu, ho ida ne'e nafatin husu ba ita boot sira, hatudu ba imi nia talentu desporu nian ba públiku, manán ita mak manán hotu, lakon mós ita mak lakon hotu.

Iha fatin hanesan, Prezidente Komisaun Organizadora Dies Natalis UNPAZ, nu'udar mós Vise Reitór Asuntu Koperasaun Externa & Interna, Sr. Luís Pereira Cardoso, Lic. CSH.,MA.,Mcs. informa Komemorasaun ezistensia UNPAZ nian iha tinan ida ne'e, atividade lubuk ida mak ita sei hala'o, ida mak desportu nian, ne'ebé ohin abertura no seluk tan ne'ebé sei hala'o mós durante semana ida ka rua nia laran.

"Espera katak, jogu ida ne'e sei la'o ho di'ak, tanba universidade ida ne'e naran, Universidadae da Paz, ita boot sira hotu mós hola parte iha dezenvolvimentu paz nian, tanba ne'e joga hanesan kolega/amigu, labele hamosu fali Konflitu foun iha UNPAZ, entre klubu sira ne'ebé hola parte iha ne'e",dehan Prezidente Komisaun.

Entretantu partisipa iha Abertura jogu desportu Futsal ida ne'e, Prezidente ADA-UNPAZ, Sr. Julio da Silva Salsinha, Lic.CSH.,M.AP. Prezidente Komisaun Organizadora Dies Natalis UNPAZ. Nu'udar Vise Reitór Asuntu Koperasaun Externa & Interna, Sr. Luís Pereira Cardoso, Lic. CSH.,MA.,Mcs. Vise Reitór Asuntu Estudantil no Antigus Alunus, Xefe Gabinete Reitoria, Reprezenta husi FNM nian, Dosente, Funsionariu, Jogador sira hotu, ne'ebé husi Parseria sira, Alumi inklui Sivitas Akadémiku Universidade da Paz.