UNPAZ ABERTURA JOGU CUP FUTSAL VOLEY BALL NO XADRES

UNPAZ ABERTURA JOGU CUP FUTSAL VOLEY BALL NO XADRES

Dili-Universidade da Paz (UNPAZ) hala'o serimonia abertura jogu Cup Futsal Volley Ball no Xadres ba Estudante Ativu, Alumi no Parseiru sira hodi komemora Dies Natalis UNPAZ Ba dala XIX Tinan Akademiku 2023, iha UNPAZ (09/02) horseik.

Vise Reitor Asuntu Akadémiku, Sr. Joaninho Xavier Hei, Lic CSH.,M.Ed, ne’ebé reprezenta magnifiku reitor UNPAZ, hateten iha abertura ba jogu futsal ne’e, kada tinan ita komemora ita nia aniversariu Universidade da Paz ne'ebé akontese iha loron 09 Fulan Marsu, tanba ne'e agradese ba komisaun organizadóra ne'ebé realiza atividade ida ne'e, ohin ita bele abertura ho atividade jogu futsal.

“Votus susesu ba ita bo'ot sira hotu ne'ebé sei partisipa iha jogu futsal, tanba ne'e joga hatudu profisionalizmu, tanba jogu ida ne'e ita hotu nian, no mesak estudante UNPAZ ho Dosente, funsionariu inklui parseiru sira”,dehan Vise Reitor Asuntu Akadémiku, Sr. Joaninho.

Prezidente Konsellu Administrasaun Fundasaun Neon Metin, Eng. José Menezes M. Food, relata atividade ida ne'e, atividade inisiu hodi komemora loron UNPAZ ba dala XIX hanesan existensia Universidade da Paz, tanba ne'e Jogadores sira joga tenki hatudu ita nia profisionalizmu.

Prezidente Asosiasaun Desportu Akadémiku UNPAZ, Sr. Julio Da Silva Salsinha, Lic.Eco.,M. AP. salienta jogu ida ne'e ita komemora Universidade da Paz nia tinan, ne'ebe ita sei selebra iha dia 09 de Marsu 2023, tanba ne'e mak ohin ita hahu abertura ba jogu futsal ba feto no mane, voley ball Xadres no animasaun sira.

“Joga ida ne'e, joga amijade, desportu ne'ebé desportu unidade nian, tanba Universidade naran Universidade da Paz, signifika tenki hatudu Paz no amizade iha jogu ida ne'e, manan ita hotu manan, lakon Ita hotu lakon, para hodi selebra aniversariu existensia UNPAZ naran Morin di'ak liu tan iha Timor no mundu”,tenik Prezidente Asosiasaun Desportu Akadémiku UNPAZ, Sr. Julio.

Prezidente ne’e mós, agradese ba alin drumband husi São Pedro Comoro, agradese mós ba Sr. Bastin ho ekipa tekniku ne'ebé durante servisu makas hodi prepara fatin ba jogu futsal nian.

Diretor Extra Kurrikuler, Sr. Quintiliano F. Barros Lic. Sp.,M. Sp. Reforsa, atividade selebrasaun Universidade da Paz ba dala XIX monu iha dia 09 de Marsu 2023, lolo'os ita iha atividade barak ba parte desportu nian, maibe ita nia kondisaun la permite, ho nune'e ita konsege duni realiza mak futsal entre estudante ativu, alumi nomós parseiru Sira inklui Dosente no fungsionaris iha UNPAZ.

Ha'u fiar katak jogu ida ne'e sei la'o ho di'ak no profisional, tanba ne'e ba jogador Ssra, ita nia atividade la'os ba tinan ida ne'e de'it, maibe tinan oin mai, ita sei prepara di'ak liu tan, ho ida ne’e mai ita hamutuk hodi hanoin loron importante Universidade nian hodi anima malu ho eventu sira ne'eb mak agora daun ita prepara”,katak Diretor Extra Kurrikuler, Sr. Quintiliano

Entretantu iha abertura ba jogu futsal ne'e, Animasaun Drumband husi Estudante São Pedro Comoro, nomós suporta husi, JKKBTL, Nano Sport, Mandiri, Telekomcel, ekipa ne'ebe joga dahuluk iha jogu futsal mak, FC. Silu UNPAZ VC FC. Moco.

Partisipa iha atividade ne'e, Estrutura Senadu Universidade, ne'ebé kompostu husi Vice Reitores Sira, Dekanu Fakuldade 6, Estrutura Fundasaun Neon Metin, Diretor/a Sira, Xefe Departamentu Sira, Dosente, Funsionarius, Parseiru Sira, inklui sivitas akadémiku Universidade da Paz.