UNPAZ ABERTURA BA PROGRAMA ESTAJIU ETAPA DARUAK

#UNPAZ# 15 JULLU 2021

UNPAZ ABERTURA BA PROGRAMA ESTÁJIU ETAPA DARUAK

Dili-Universidade da Paz (UNPAZ), hala’o abertura ba programa estájiu sosial tinan akadémiku 2021 ba etapa daruak nian, ho Tema Hatoman A’an Moris Inovativu, Higeniu No Badinas Hodi Hasoru Norma Foun Ba Moris Nian Iha Era Pandemia Covid-19, iha Salaun José Casimeiru (15/07).

Magnifiku Reitór Universidade da Paz, Dr. Adolmando Soares Amaral, Lic, Eco. MM. hateten iha etapa dahuluk estudante 503, no etapa daruak tuir dadus ne’ebé iha 330, signifika numeru 1200 finalista ba tinan ida ne’e ita foin 800 itál, espera sira ne’ebé exame seidauk rejistu, sei bele rejisu hodi kompleta numeru 1200 finalista tinan ida ne’e, ita sei lori ba graduasaun 21 Dezembru, atu to’o ba etapa graduasaun 21 Dezembru, ita tenki aposta ita nia atividade hotu tuir kalendariu akadémika, ita bo’ot sira tenki remata estájiu sosiais.

“Imi dehan ba inan aman sira, se tinan ida ne’e governu la fó osan subsidiu ba ita bo’ot sira, ha’u deklara ba ita bo’ot sira, sei livre semester ida laselu, ita bo’ot sira tenki kontinua nafatin ba graduasaun iha 21 Dezembru”, dehan Reitór.

Nia hatutan, iha tempu ne’ebé ita atu implementa atividade estájiu sosiais, iha situasaun estadu emergensia ne’ebé la’o tempu naruk ema hotu-hotu labele hala’o atividade, enkuantu iha nasaun ida ka rai ida, laiha atividade mak ema ne’ebé futuru mós laklaru, ita buka atu aijuda governu para defini lolo’os Timor-Leste nia futuru.

Iha abertura ne’e partesipa husi, Magnifiku Reitór Universidade da Paz, Dr. Adolmando Soares Amaral, Lic, Eco. MM. Pro-Reitór, Diretór Unidade sira, Dosente, Funsionariu, inklui Estudante Estajiádu/a sira.