UNPAZ - ESTUDANTE 14 HUSI FTA TUIR TESTE ESKRITA BA FORMASAUN AGRIKULTURA ISRAEL

#UNPAZ# 06 OUTUBRU 2021

UNPAZ-ESTUDANTE 14 HUSI FTA TUIR TESTE ESKRITA BA FORMASAUN AGRIKULTURA ISRAEL

Dili-Universidadeda Paz (UNPAZ), nia estudante sanulu resi haat (14), husi Fakuldade Teknolojia Agrikola tuir ona teste exame eskrita ba formasaun agrikultura iha Israel, iha Aula FTA (06/10).

Sr. Romaldo Martins, Lic, Tec.Agr.,M.Agr. nu’udar Xefe Komisaun Organizadora ba selesaun estudante formasaun Agrikultura iha Israel, hateten ligadu ho estudante sira ne’ebé ohin tuir teste exame eskrita, bazeia ba koperasaun ne’ebé antes ne’e UNPAZ asina hamutuk ho Ministeriu Agrikultura no Peskas, ho nune’e iha tinan ida ne’e, ita mós hola parte iha programa estudante/ alume ba turi formasaun iha argikultura nian iha nasaun Israel.

"Ohin alume sanulu resin haat (14), tuir teste exame eskrita, materia sira ho lian ingles hotu, liu-liu liga ba iha siénsia agrikultura nian, sira ne’ebé ohin tuir ona teste exame eskrita sei fó sai iha Sabadu 09 Outubru 2021, ne’ebé mak pasa Segunda/ Tersa ita bele hakat ona ba iha teste oral nian", hatutan Xefe Komisaun.

Nia hatutan, valor ne’ebé pasa iha exame eskrita, bazeia ba rekizitu husi valor 75 ba leten mak bele kategoria pasa iha exame eskrita refere.