UNIVERSIDADE LANSAMENTU BA BANDEIRA FAKULDADE NEEN

#UNPAZ# 25 MARSU 2021

UNIVERSIDADE LANSAMENTU BA BANDEIRA FAKULDADE NEEN

Dili-Universidade da Paz (UNPAZ),liuhusi Magnifiku Reitór, hamutuk ho Prezidente Fundasaun Neon Metin, no Estrutura Universidade hala’o atividade lansamentu ba Bandeira Fakuldade neen (6), iha Salaun Saúde Públika UNPAZ (25/03) horseik.

Lansamentu bandeira ne’e, Magnifiku Reitór Universidade da Paz, Dr. Adolmando Soares Amaral, Lic, Eco. MM. hateten ohin ita marka tan historia foun iha ita nia Universidade liu-liu ba iha Fakuldade.

“Ita lansamentu ba bandeira bele aumenta ita nia responsabilidade hodi bele jere atividade sira iha Fakuldade, bandeira ne’e fó ba ita oinsa ita nia misaun atu hala’o servisu ruma iha ita nia Fakuldade, bandeira ne’e bele lori ita ba iha situasaun ida ne’ebé di’ak liu, ita hotu-hotu nia hakark mak Fakuldade no Universidade da Paz ida di’ak liu iha futuru”, dehan Reitór.

Iha sorin seluk, Prezidente Fundasaun Neon Metin Sr. Ir.José Menezes Soares da Costa, M.FoodTech, hatutan agradese ba Magnifiku Reitór, hamutuk ho Pro Reitór no Dekanu sira bele inisia ona Fakuldade ida-idak bele iha ona bandeira.

“Bandeira ne’e bele lori ita hatudu identidade ruma husi ita nia grupu, no iha misaun no simbolu ida, hodi fó mensagen ba ema ne’ebé haree, katak ita iha grupu ida ka Fakuldade ida, lori hela misaun ruma ne’ebé atu hato’o ba ema seluk”,haktuir Prezidente Fundasaun, Sr José.

Atividade Refere partesipa, husi Pro Reitór sira, Dekanu Fakuldade Neen, Magnifiku Reitór Universidade da Paz, Dr. Adolmando Soares Amaral, Lic, Eco. MM. Prezidente Fundasaun Neon Metin Sr. Ir.José Menezes Soares da Costa, M.FoodTech, Diretor Unidade sira, Dosente, inklui Funsionariu.