UNIVERSIDADE HETAN VIZITA HUSI UNIVERSITAS STIKES MAHAKAM MUTIARA INDONESIA
Dili-Universidade da Paz (UNPAZ), Nia Magnífiku Reitór, Dr. Adolmando Soares Amaral, Lic.Eco.,MM, informa instituisaun rua STIKES Mahakam Mutiara Samarinda Indonesia mai hala’o kooperasaun ho universidade liuhusi FSPeCM, horseik asina ona MoA no realiza kedas konferénsia internasionál no ohin sira mai hala’o vizita ba ita-nia fatin, liu-liu laboratorium ba estudante sira.
“Ohin sira mai vizita ita nia kampus hodi haree laboratorium no sala de aula, depois ko’alia ho estrutura Fakuldade Saúde Públika e Ciências Medicas nian nomós vizita gabinete reitoradu hodi oferese prezente, ba futuru sei servisu di’ak liután kona-ba estudante sira nia prátika iha área saúde nian. ”, tenik Reitór iha nia kna’ar fatin (18/07).
Magnífiku Reitór afirma, instituisaun rua ne’e iha ospitál privadu tan ne’e, universidade bele haruka estudante sira ba pratika iha ne’ebá, tanba ita foin hahú loke enfermazem ho ida ne’e, ita prepara kondisaun no rekursu umanu ne’ebé di’ak ba futuru liu-liu iha área ciências medicas nian, depois hotu ona mak sira haruka fali sira-nian espesialista hodi mai ajuda tan ita.
Entretantu vizita husi bainaka ne’e, akompaña husi Estrutura Fakuldade Saúde Públika e Ciências Medicas nomós Xefe Gabinete Reitoradu.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
