UNIVERSIDADE FO POSE BA XEFE UNIDADE HAAT

UNIVERSIDADE FÓ POSE BA XEFE UNIDADE HA’AT

Dili-Universidade da Paz (UNPAZ), liuhusi Magnífiku Reitór fó tomada de pose ba estrutura sira hanesan, Konsellu Disiplina, Xefe Unidade Logistika, Diretór Kordenador Assuntu Kampus B Liquisa, Diretor Patrimonio, hodi hala’o servisu efetivu iha kampus B Liquisa, atividade realiza iha aula Prof. Dr. Lucas da Costa (24/06)

Magnífiku Reitór Universidade da Paz, Dr. Adolmando Soares Amaral, Lic.Eco., MM, esplika liuhusi estrutura ida ne’e nia prejensa mak oinsa bele garante ba iha kampus B likisa ninia seguránsa.

"Ho hanoin ida katak, depois estrutura kompleta ita nia servisu ba ita nia performa ne’e bele la’o di’ak liután ba oin, tanbá volume servisu todan liu iha kampus likisa, ita sei halo konstrusaun ba andar tolu, fakuldade Saúde Públika nia laboratórium no enfermajen ita sei instala hotu iha ne’ebá, fakuldade Enjeñaria mós sei loke nia bengkel. Nune’e mós atividade prosesu apriendizajem ita presija funsionáriu na’in hira atu metin iha ne’ebá atu tau matan ba kampus ne’e. Durante ne’e ita tau de’it seguransa na’in tolu, maibé ikus janela sira rahun, komputador ita instala mós lakon, ne’ebé kampus ne’ebá ladun seguru. Espera husi prejensa estrutura ida ne’e nia funsionáriu rua tolu ba tan iha ne’ebá ha’u hanoin bele garante kampus ne’e ninia seguransa no fasilidade sira hotu bele di’ak, tanbá tempu badak akreditasaun fakuldade enjeñria ba departamentu rua iha ne’ebá”,tenik Reitor.

Reitór hakle’an liután, ita kompleta tan de’it ba ita nia estrutura ida ne’e, atu nune’e ita bele servisu efetivu liután. Ba pensaun tomak husi Sr. dekanu sira, xefe departamentus, vise-dekanu, pro-reitores no diretores unidade sira hotu nomós kolega dosentes no funsionárius sira, ita hakarak halo buat ne’ebé formal, atu nune’e sira na’in hira ne’e iha forsa atu hala’o servisu, se ita mak hasai despaixu ba mai de’it, dalaruma ita servisu hanesan halimar fali, agora ba oin buat hotu-hotu ita ko’alia kona-ba UNPAZ, mak ita tenki koa’lia mós nia kualidade, kualidade mak ita tenki sériu hodi hatudu liuhusi ita ninia asaun sira, tanbá ne’e mezmu ne’e ki’ik, maibé ita tenki halo sériu halo formal, atu nune’e maluk sira ne’ebé ohin simu posse bele forsa hodi halo sira nia servisu.

Partisipa iha serimónia tomada de pose ne’e, Magnífiku Reitór Universidade da Paz, Dr. Adolmando Soares Amaral, Lic.Eco., MM. Estrutura Fakuldadse 6, Diretires no Xefe Unidade sira.