UNIVERSIDADE DISTRIBUI ONA FASILIDADE PROJEKTOR BA IHA FAKULDADE SIRA

#UNPAZ# 21 OUTUBRU 2021

UNIVERSIDADE DISTRIBUI ONA FASILIDADE PROJEKTOR BA IHA FAKULDADE SIRA

Dili-Universidade da Paz (UNPAZ), hala’o serimonia distribui fasilidade projektor ba iha Fakuldade sira, ho Fundasaun, no programa Mestradu, inklui mós IT, nomós instala kumputer iha biblioteka ba estudante sira hodi utiliza ba asesu online.

Relasiona ho distribuisaun fasilidade projektor ba iha Fakuldade ho Fundasaun nomós IT, iha Aula Prof.Dr. Lucas da Costa (21/10). Magnifiku Reitór Universidade da Paz, Dr. Adolmando Soares Amaral, Lic. Eco., MM, hateten, atu reforsa ita nia filojofia polítika ba reforma no kualidade, ita hahú atu prepara kondisoen minimas ne’ebé ita iha, hahú husi tau atensaun ba sala aprendisajen sira, haruka dosente sira ba tuir formasaun.

"Ita distribui fasilidadee kumputador, projektok, inklui transporte, sira ne’e hotu ita halo atu bele garante kualidade ba ita nia produtu sira ne’ebé ita produs, ida ne’e faze daruak ita distribui, fim de Novenbru ita sei distribui tán motor ba Xefe Departamentu sira, depois inisiu de Janeiru ita sei distribui tán motor ba Vice Dekanu sira, nomós Diretor Unidade sira, hanoin sira ne’e hotu ita komesa prepara ona kondisoens para atu bele garante kualidade",hatutan Reitór.

Nia hatutan, kada Fakuldade ida sei hetan projektor hitu (7), hodi apoiu dosente sira iha prosesu aprendisajen lor-loron nian ba estuante sira, ita mós iha komputer neen nulu (60), ne’ebé instala ona ba estudante sira ba biblioteka online, ne’ebé ita srvisu hamutuk ho Telekom University, sira bele asesu ba biblioteka online liuhusi kumputer sira ne’ebé ita prepara.

Partesipa iha distribuisaun fasildade ne’e, Magnifiku Reitór Universidade da Paz, Dr. Adolmando Soares Amaral, Lic. Eco., MM, Dekanu sira, Por Reitor Asuntru Koperasaun, Dosente, inklui Funsionariu sira.