UNIVERSIDADE DISTRIBUI MOTORIZADA BA XEFE DEPARTAMENTU NO XEFE UNIDADE SIRA

UNIVERSIDADE DISTRIBUI MOTORIZADA BA XEFE DEPARTAMENTU NO XEFE UNIDADE SIRA

Dili-Universidade da Paz (UNPAZ) liuhusi Universidade distribui motoriza ba Xefe Departamentu sira nomós Xefe Unidade sira, hodi fasilita sira nia servisu ba atividade universidade nian, (07/03).

Magnifiku Reitór, Universidade da Paz, Dr. Adolmando Soares Amaral, Lic.Eco.,MM. hateten tinan kotuk, ita distribui kareta ba Vise Reitores nomós ba Dekanu sira, no tinan ida ne’e ita distribui motor ba Xefi Departamentu nomós diretor unidade sira.

“Ita prepara kondisõens ba sira, atu nune’e bele fasilita sira, hodi hala’o sira nia servisu ho di’ak liu tan, liuliu iha servisu administrasaun, hodi bele konstrui tan dezemvolvilmentu ba iha universidade da paz ho kualidade”,tenik Reitór.

Iha sorin seluk, Xefe Departamentu Administrasaun Públika, Dr. Leoneto Madeira Martins, Lic CSH., M. AP. senti kontenti bele hetan fasilidade ne’e, atu tulun ami hodi hala’o ami nia programa no ami nia servisu di’ak liu tan, ho nune’e ami mós iha vontade di’ak liu tan.

“Husi fasilidade ida ne’e mak ita hodi bele hala’o servisu ho di’ak, tuir planu departamentu hotu-hotu hetan hotu, tanba ne’e ba maluk sira hotu ne’ebé hetan, nafatin vontade di’ak hodi servisu nafatin”,dehan Nia.