UNIVERSIDADE DA PAZ-LIUHUSI NIA FAKULDADE EKONOMIA HALAO JUDISIUM BA DALA XVI

Dili 10 de Dezembro 2020

FAKULDADE EKONOMIA PRODÚS TAN NIA EMA HAMUTUK. 352

Universidade Da Paz-Liu husi nia Fakuldade Ekonomia hala’o Judisium Ba Dala XVI no tema Judisium Ba tinan ne’e mak “Asegura Alumi Ne’ebé Profisionál, Kompetetivu Iha Merkadu Trabalhu Ba Futuru Profisional  iha Kampus UNPAZ Kinta (10/12)Foin lalais ne’e.

Iha serimonia ne’e, Dekano Fakuldad Ekonomia Dr. Alexandre Sousa Lic Eko, MM, hato’o parabens ba Judisiariu sira no inan aman sira nia servisu tomak, bele lori oan sira atinji mehi sira nian bele lori sira ba susessu ho kualidade ne’ebé di’ak ba rai ida ne’e.

Liuhusi Judisium ne’ebé,  Reprezenta Inan-Aman Sr. Jacinto Babo Soares Agradese ba Judisiariu sira,  liu-liu Parte Universadade, Dekanu no mós Dosentes sira hotu iha Fakuldade Ekonomia ba matenek tomak ne’ebé durante ne’e oferese ona ba estudante sira.

“Ami inan-aman hato’o agradese ba, Magnifiku Reitór Universadade Dosente sira fó ona oportunidade ba ami nia oan sira hodi buka matenek iha fatin ida ne'e, no mos agradese Wa’in ba na'in Dosentes iha Fakuldade Ekonomia tomak durante fo matenek ba estudante lubuk ida ne'ebe tuur iha ne'e”. Dehan Jacinto.

Nia hatutan liutan ba Judisiáriu sira tenki orgullu ho Universadade da paz, labele moe dehan iha liur katak ha’u mai husi universidade da paz, no universidade da paz iha ha’u nia fuan, tanba inan aman nia esforsu  sakrifisiu iha tinan barak  mak ohin loron imi tur iha fatin ne'e.

Reprezeta judisiariu Vasco Vital Soares ne’e mós akresenta, hato’o agradese ba inan-aman durante ne’ebé suporta ona oan sira liuhusi esforsu Oioin ne’ebé mak iha.

“ami hakarak hato'o ami nia agradese ba familia inan-aman ne'ebé liuhusi sira nia esforsu tomak hodi suporta ami liuhusi finanseiru no motivasaun dedikasaun nu'udar fini ida ba futuru, mak ohin loron ami finaliza ami nia estudu Lisensiatura, ami mós agradese ba na'in dosentes tomak iha fakuldade ekonomia ne'ebé durante ne'e fó ona sira nia tempu hodi eduka ona ami durante tinan haat nia laran to'o ohin loron’’. Dehan Vasco.

Iha Serimonia Judisium ida ne’e, aumesmu tempu entrega mós Llista Judisiariu sira  Husi  Dekano Fakuldade Ekonomia Dr. Alexandre Sousa Lic Eko, MM ba iha Magnifiku Reitór  Atual Dr. Adolmando Soares Amaral, Lic, Eco. MM, Partesipa husi Dekano Fakuldade Lima, Korpos Dosente, Funsionariu, Inan Aman, Estudante hotu iha Universidade da Paz.