UNIVERSIDADE DA PAZ PARTISIPA IHA EZPOZISAUN NEEBE ORGANIZA HUSI MESSK

UNIVERSIDADE DA PAZ PARTISIPA IHA EZPOZISAUN NE’EBÉ ORGANIZA HUSI MESSK

Universidade da Paz (UNPAZ) liuhusi Pro Reitór Asuntu Extra Kurikuler, ne’ebé mak organiza estudante sira husi Fakuldade Enjenaria inklui mós Funsionariu sira, lori maket ou dezeñu ba partisipa iha expo ne’ebé organiza husi Ministeriu Ensinu Superior Siensia no Kultura, durante loron tolu nia laran, iha salaun edifisiu MESSK (01/10)

Pro Reitor Asuntu Extra Kurikuler, Sr. Julio da Silva Salsinha, Lic. CSH. M .AP, hateten expo ne’ebé maka organiza husi Ministeriu Ensinu Superior Siensia no Kultura, ne’ebé maka hahu horseik ohin no aban, hamutuk loron tolu maka sei insera.

“Expo ne’e rasik atu hatudu kriatividades Universidade sira nian hotu ne’ebé maka mai halo promosaun iha expo ne’e, atu nune’e ita nia estudante sira ne’ebé maka husi sekundaria sira bele mai hare, ida ne’e hanesan ita mai halo promosaun iha expo ne’e rasik, bainhira ita nia alin sira ne’ebé maka atu besik remata ona iha sekundariu, atu bele hili tuir sira nia koñesimentu ne’ebé maka sira iha ba”,dehan Nia,

Nia hatutan, tanba ne’e, maka Universidade da Paz organiza ita nia estudante sira husi Fakuldade Ejeñaria, inklui mós Funsionariu sira lori maket ou dezeñu mai hatudu ba iha expo ida ne’e, desde horseik ohin sei to’o aban domingu maka insera, Nia Informa.

Iha sorin seluk, estudante Deolindo Martins husi eskola Economia Comersio ESTV-EEC, Becora Dili, haensan vizitante liuhusi exposisaun ida ne’ebé maka loke husi Ministeriu Ensinu Superior Siensia no Kultura ne’e, ba ha’u sente kontente tebes, atu nune’e ami mós iha biban, para atu bele husu no aprende buat balun husi ami nia maun no bin sira, ne’ebé maka aprende ona iha nivel Universidae.

“Durante ami halo vizita iha Universidade hotu so UNPAZ de’it maka halo ami husu barak liu kona-ba dezeñu hirak ne’ebé furak lo’os, tenik Estudante Deo.

Partisipa iha expo ne’e, Ministeriu Ensinu Superior Siensia no Kultura, nomós Entidades sira seluk, Pro Reitor Asuntu Extra Kurikuler, Sr. Julio da Silva Salsinha, Lic. CSH. M .AP, estudante aprezentador sira, inklui mós vizitante sira.