UNIVERSIDADE DA PAZ, LIUHUSI FAKULDADE TEKNOLOGIA AGRIKOLA HALAO JUDISIUM BA DALA XIV

Dili 14 de Dezembro 2020

FAKULDADE TEKNOLOGIA AGRIKOLA PRODUS TAN NIA EMA 65.

Dili-Universidade da Paz, liuhusi Fakuldade Teknologia Agrikola hala’o Judisium, ho tema Hamutuk Fakuldade teknologia Agrikola Hodi Proteje Rekursu Naturais No Promove produtu Lokal, iha Kampus Unpaz (14/12) foin lalais ne’e.

Liuhusi Judisium ne’ebé,  Tuir Diskusaun Magnifiku Reitór Universidade da paz, Dr. Adolmando Soares Amaral, Lic, Eco. MM, hateten, Timor la’os Nasaun Agrikultura , ita nia povu mak maioria vida agrikultura, ita bo’ot sira tenki iha responsabilidade morál para bolu Govero no Estadu hodi solisiona problema ida ne’e, oinsa atu transforma produtu ne’ebé iha, para ita bele halo esportasaun ho folin ne’ebé a’as iha merkadu internasionál, tan ne’ebé husu ba Imi labele leba Imi nia dokumentus sira ba mai, área produtivu ne’ebé ita bo’ot sira iha, transforma ida ne’e hodi buka variadade ne’ebé bele solisiona  problema Governu no Estadu nian bele sai alternativu liután, dehan Retór.

Nune’e mós Dekano Fakuldade Teknologia Agrikola Sr. Joni dos Santos Lic. Tec. Agr.,M. Agr. Apresia ba inan-aman no Judisiáriu sira  katak prosessu ne’ebé durante ne’e iha la fasil.

“parabens ba judisiariu sira, no ba inan-aman sira nia prezensa ba loron ohin, no ba Judisiariu sira hotu, antes mai tu’ur iha fatin ne’e, ita hasoru udan, anin, loro manas, rai nakdoko bo’ot tebes iha fatin ne’e, maibe atu hasoru problema sira ne’e hotu mak tenki iha ema ida iha responsabilidade morál no koragen protidaun no matenek ba buat hotu ne’ebé bele enkoraja ema ida hodi hamri’ik metin ba satan buat hirak ne’e mak ita nia, Magnifiku Reitor Universidade da paz, Dr. Adolmando Soares Amaral, Lic, Eco. MM, ita tenki agradese ba esforsu tomak ne’ebé iha”, dehan dekano.

Iha sorin seluk, reprezenta inan-aman Sr. Jeremias de Araujo, agradese no orgulhu boot tebes ba manorin sira no mós Judisiáriu sira hotu ne’ebé durante ne’e Luta liuhusi prosesu naruk ohin  bele atinji, ho matenek ne’ebé aprende husi manorin na’in sira bele ba implementa iha ita nia komunidade liu-liu rai doben Timor-Leste, tanba nasaun presiza ita bo’ot sira nia matenek, Ddhan Jeremias.

Aleinde ne’ebé reprezentante judisiariu sira, Deolindo Colimali N.Andrade, agradese wain ba Universidade da Paz fó ona fatin no tempu mai ami hodi hala’o estudu, ohin loron ami bele hetan titulu Lisensiatura Teknologia Agrikola, no mós agradese ba manorin na’in iha husi fakuldade Teknologi Agrikola hodi transfoma siénsia mai ami hodi eleva koñesimentu hodi sai joventude ne’ebé fó solusaun ba problema sosiál iha área Agrikultura, no agradese ba inan-aman nia esforsu tomak nunka baruk hodi suporta nafatin ami to’o ohin loron ami bele termina ami nia estudu Lisensiatura, dehan Deolindo.