![UNIVERSIDADE DA PAZ, LIUHUSI FAKULDADE SIENSIA SOSIAIS UMANA HALAO SERIMONIA JUDISIUM](https://unpaz.tl/asset/foto_berita/8bd41fe7-7c63-4209-87d6-75117984b6b7.jpg)
Dili 15 de Dezembro 2020
FAKULDADE SIÉNSIA SOSIAIS E UMANA PRODUS TÁN NIA EMA 184.
Dili-Universidade da Paz, liuhusi Fakuldade Siensia Sosiais Umana hala'o Serimonia Judisium ba dala XIV, ho tema “Matenek Hodi Servi Nasaun Ho Karakter Humanizmu’’ iha kampus Unpaz (15/12) foin lalais ne’e.
Liuhusi serimonia Judisium ne’e, tuir Dekanu Fakuldade Siénsia Sosiais i Umana, Dr. Fernando Dias Gusmao, S.IP.,M.AP. hato'o parabens ba Judisiariu sira maske hasoru obstakulu no dezafiu oi-oin, maibé ohin bele finaliza ona estudu hirak ne’ebé iha. No iha nia parte husu Judisiáriu sira atu agradese ba sira nia Inan-Aman hotu, tan husi esforsu husi Inan-Aman nian, mak ohin imi bele hetan nia rezultadu,
Nune’e mós iha diskursu Magnifiku Reitór Universidade da paz, Dr. Adolmando Soares Amaral, Lic, Eco. MM, husu Judisiáriu sira hotu, sai antigus alunus Universadade da Paz nian ne’ebé tenki iha responsabilidade .
“husu ba Imi ne'ebé sai antigus alunos, tenki iha reponsabilidade morál, labele sai antigus alunos la iha responsabilidade morál, tan ne’e sai antigus alunus ne’ebé iha responsabilidade hodi kontribui ba instituisaun ida ne’e di’ak ba oin, sai ema responsabilidade, karik iha liafuan ruma la monu ba ita bo’ot sira nia laran mai ita tu’ur hamutuk hodi solusiona ba preokupasaun sira ne'e, labele mai halo fali asaun hodi hatun fali instituisaun ida ne'e, tan ne’e ha’u lakohi atu akontese ba ita boot sira”, dehan Reitór.
Iha sorin seluk reprezentante Inan-Aman Sr. Vidal Brito Gusmao, hato'o agradese wa’in ba Magnifiku Reitór ho nia estrutura tomak no mós ba manorin na'in sira iha Universidade da Paz, durante tinan naruk nia laran, esforsu hodi Fahe ona matenek ba oan Judisiáriu sira, maske iha situasaun Covid-19 nia laran maibé nafatin aten brani hodi hala’o ensinu aprendisazem to’o ohin tama ona ba Judisium, dehan Vidal.
Aleinde ne'e, reprezentante Judisiariu, Celino Borgues, iha nia parte mós agradese ba inan-aman no famila sira hotu nia sakrifisiu no apoiu tomak iha prosesu nia laran, maske hasoru obstakulu, nafatin suporta oan sira no agradese ba Senadu Fakuldade ho nia estrutura, estrutura sira hotu iha Fakuldade no mós Universidade ne’ebé oferese ona matenek, fasilidade no esforsu hotu ne’ebé to’o ohin loron, dehan Celino.