UNIVERSIDADE DA PAZ LIUHUSI FAKULDADE SAUDE PUBLIKA HALAO JUDISIUM BA DALA XIV

Dili 12 de Dezembro 2020

FAKULDADE SAÚDE PÚBLIKA PRODÚS TAN NIA EMA HAMUTUK 236

Dili-Universidade da Paz liuhusi Fakuldade Saúde Públika hala’o Judisium ba Dala XIV no tema ba Judisium ba tinan ne’e mak ‘’Haforsa Rekursu Humanu Hodi Prevene Covid-19 Ho Nia Implikasaun Iha Timor-Leste. Iha Kampus Umpaz Sabadu (12/12)Foin lalais ne’e.

Magnifiku Reitór Universidade da paz, Dr. Adolmando Soares Amaral, Lic, Eco. MM, iha nia diskursu hateten, laiha ema ida kestiona kualidade Universidade da Paz, so merkadu de’it mak bele kestiona ita nia kualidade, tanba 78% asesu ona ba merkadu trabalhu 22% kria rasik sira nia asosiasaun no atividade seluk, lalika hakfodak ba ema nia kritika, laiha indikadór ida atu sukat ita nia kualidade, tanba ita hotu sei asesu hela ba kampu de trabalhu, dehan Reitór.

Parte seluk Dekano Fakuldade Saúde públika, Martinus Nahak Lino, A.MKI.,Lic.SP.,M.AP. mós esklarese liutan, Fakuldade Saúde Públika hamri’ik iha Universidade da Paz hanesan baze fundamental ida ba nasaun ne’e, hodi hatan ba programa Saúde nian iha Timor-Leste, dehan Dekanu.

Nune’e mós reprezenta inan-aman Sr.Domingos de Carvalho, hato’o agradese ba Reitór, no dekanu  ho nia estrutura ba kontribuisaun no  esforsu tomak durante tinan haat, ne’ebé ohin loron estudante siira bele simu ona Judisium, ami inan-aman agradese ba Reitór, no dekanu  ho nia estrutura ba kontribuisaun no  esforsu tomak durante tinan haat, ne’ebé hin loron ami nia oan sira bele simu ona Judisium, no ami  mós husu  Deskulpa karik durante ne’e ami nia oan sira halo buat ruma naksalak, maibé espera katak matenek hotu sei kontinua ba ami nia oan sira ne’ebé sei mai,  dehan Domingos.

Aleinde ne’e representante judisiáriu, Sergio soares Amaral mós salienta,  iha momentu ne’e agradese profunda ba Instituisaun Akademiku Universidade da paz, hodi sai fatin no knua ba ami hodi haklea’n ami nia koñesementu liuhusi siénsia Saúde públika nian, hodi marka istória ba vida akademiku iha tinan naruk nia laran, atu bele renota fila fali rezultadu hira mak Universidade da paz produs hodi bele servi komunidade ba setór hotu ne’ebé iha no ami mós agradese ba inan-aman nia esforsu tomak ohin loron ami bele atinji ona ami nia mehi,  dehan Sergio.