![UNIVERSIDADE DA PAZ, LIUHUSI FAKULDADE DIREITU DEPARATEMENTU PROGRAMA ESTUDU SIENSIA DIREITU HALAO](https://unpaz.tl/asset/foto_berita/127f3600-2955-40b5-95a7-8c49fd294fc4.jpg)
Dili 17 de Dezenbro 2020
FAKULDADE DIREITU PRODUS TÁN NIA EMA HAMUTUK 209
Dili-Universidade da Paz, Liuhusi Fakuldade Direitu Programa Estudu Siénsia Direitu ba tinan Akademiku 2020-2021, hala’o Serimónia Judisium Ba Dala XIV, iha Kampus Unpaz, (17/12).
Núne’e Dekano Fakuldade Direitu, Dr Leonito Ribeiro, SH.,MH.,Dir (Cand), hato’o parabens ba inan aman ne’ebé mai partisipa ona oan sira nia Judisium, no hakuak bo’ot ba Judisiandu sira ne’ebé termina ona imi nia estudu iha Fakuldade Direitu durante tinan haat nia laran, nia mós agradese ba inan aman ne’ebé fó fiar ona ba iha Fakuldade Direitu hodi investe matenek husi manorin na’in sira iha, maske ho matenek ne’ebé nanotak hodi forma sira ohin sira hamrik iha fatin ida ne’e, dehan dekano.
Liuhusi Judisium ne’e, Magnifiku Reitór Universidade da paz, Dr. Adolmando Soares Amaral, Lic, Eco. MM, hateten Fakuldade direitu iha Timor ne’e barak ne’ebé iha hela kompetitor nia laran, tán ne’e atu lori públiku fó fiar nafatin ita, mak ba futuru Universidade sei ignora tiha kuantidade hodi hasa’e nia kualidade, ho firme existénsia ba oin, liuhusi harmoniza uluk estatutu ne’ebé iha, tanba dadaun ne’e estatutu la hapar ho situasaun ne’ebé mak iha, dehan Reitor.
Aliende ne’e, reprezentante Judisiandu, Emilio Fatima Pereira Ribeiro, hato’o agradee ba Fakuldade Direitu ho nia estrutura tomak no Dosente sira iha Fakuldade, ne’ebé durante ne’e Pertense ona iha sakrifisiu no esforsu tomak hodi forma ami ho matenek ne’ebé iha kualidade no husi fatin ida ne’e mak forma ami sai kualidade iha sosiedade nia le’et, dehan Emilio.
Iha Sorin seluk reprezentante inan aman, Sr Joaquin Araujo dos Santos, hato’o agradese ba iha Universidade da Paz, bele muda ona oan sira, husi buat ne’ebé laiha, sai ba iha, husi buat ne’ebé la di’ak sai ba di’ak. Iha nia parte rekomenda ba Prezidente Fundasaun Neon Metin, atu buka fundus hodi fasilita mós oan sira liuhusi Oferese tan Doutaramentu iha Universadade refere, dehan Joaquin.