Dili 23 de Dezembro 2020 FESTEJA NATAL 2020 NO TINAN FOUN 2021 Universidade da Paz Hamutuk ho Sivitas Akademiku Festeza Natal ho Mensajen Imanuel (Maromak Hamutuk ho ita) Liuhusi Reforma no Kualidade Sei Lori Esperansa ba Progresu no Mudansa iha Tinan Foun 2021,iha Kampuz Sanak Unpaz Liquica (23/12). Iha Natal hamutuk ne’e, Magnifiku Reitór Universidade da Paz Dr. Adolmando Soares Amaral, Lic, Eco. MM. Objetivu husi Natal hamutuk ne'ebé selebra iha fatin ne'e, lori estrutura sivitas akademiku, no estrutura Universidade da Paz nia naran, husu perdaun iha tinan ida nia laran liafuan ruma naksalak ba malu, momentu ida ohin ita husu perdaun ba malu, para depois aban ita prepara aan atu selebra festa Natal, dehan Reitor. Nia hatutan agradese mós ba Funsionariu Universidade da Paz,liu-liu Logistik no Patrimoniu ne'ebé servisu makas, ba Funsionariu sira iha Fakuldade no Universidade ne'ebé fó sira nia kontribiusaun masimu ba ita nia preparasaun Serimónia rua Judisium no Graduasaun ba tinan 2020 bele la'o ho susesu, maske ema barak kestiona no preokupa ho Graduasaun ne'ebé ita sei la realiza, ho problema sira ne'ebé ita imfrenta no hasoru tinan ida ne'e, iha mandatu ita hamotuk ho Fundasaun ita hare katak problema sira hanesan fó hanoin ita bele organiza di'ak liu tan ba futuru, tenik Reitór. Aliende ne'e Prezidente Fundasaun Neon Metin, Sr. Jose Menezes, M. Food. Tech, fó agradese ba maluk sira ne'ebé kontribuisaun makas iha Universidade da Paz, tanba fatin ne'e mak ita servisu hodi hetan Moris no aihan, vale duni hodi suporta ba fatin ne'e, atu eduka ba ema sira ne'ebé fo komfiansa mai ita hodi la'o di'ak liu tan, dehan Prezidente Fudasaun.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
