UNIVERSIDADE DA PAZ, HALAO SERIMONIA GRADUASAUN BA ETAPA DARUAK IHA TINAN NEE, IHA POST- GRADUASA

Dili 21 de Dezembro 2020

UNPAZ PRODUS TÁN NIA PÓST- GRADUASAUN 13 NO LISENSIATURA 622

Universidade da Paz, hala’o Serimónia Graduasaun ba etapa daruak iha tinan ne’e, kompostu husi Fakuldade Ekonomia, Fakuldade Diretu, Fakuldade Agrikola, liu-liu Post-Graduasaun ba dala IV no Programa Lisensiatura ba dala XIV. Ho tema ba serimonia Graduasauan Liuhusi Reforma No Kualidade  Ita Sai Umana Ida Ne’ebé Kreativu No Inovativu Iha Situasaun Surtu Covid-19, Graduadu 2020 Prontu Sai Servidór, Iha Salaun José Casimiro Unpaz (21/12).

Iha serimónia graduasaun ne’e, Magnifiku Reitór Universidade da paz, Dr. Adolmando Soares Amaral, Lic, Eco. MM, iha nia diskursu husu ba graduadu sira sai antigus alunus tenki iha responsabilidade no morál, labele lakon ita nia responsablidade no morál, ba imi graduadu sira fila ba iha sosiedade hatudu nafatin imi nia responsabilidade no morál, ohin imi gradua públiku dehan Universidade da paz, aumenta tan problema ba Governu no Estadu, maibe  laos atu aumenta problema ba governu no Estadu, buka alternativa no fó solusaun ba governu no Estadu  atu rezolve  sira nia problema liuhusi  matenek ne’ebé imi iha, dehan Reitór.

Nune’e Reprezentante inan aman Sr. Joaquin Araujo dos Santos, hateten ohin imi simu ona graduasaun, ami inan aman la hakarak imi nia kuantidade, ami hakarak imi nia kualidade nasaun ne’e ba oin iha imi nia liman no imi tenki  respeita ita nia lider sira labele hateten aat sira tanba laiha sira mak laiha nasaun ne’e, dehan Joaquin.

Iha sorin seluk reprezentante Graduadu, Emilio Fatima Pereira Ribeiro,  agradese ba Magnifiku Reitór ho nia estrutura tomak iha Universidade da Paz, ne’ebé oferese ona fatin no tempu ami hodi bele hala’o ona estudu iha fatin ne’e to'o ohin loron no mós ba Dosente sira hotu ne’ebé fó ona matenek no esperiensia hodi forma ami bele hala’o estudu ho di’ak, dehan Emilio.

Aleinde ne’e, Prezidente Fundasaun Neon Metin , Sr. Jose Menezes, M. Food. Tech, hateten ohin gradua ona ba dala rua susesu ida  hatudu katak  ba sosiedade instituisaun ida ne’e sei garantia prosesu aprendisajen sei la’o, tan ne’e labele duvida, maske ami ho idade ne’ebé mak joven maibe ami rona malu hodi fó konfiansa ba iha sosiedade atu bele kontinua iha Universidade da paz, dehan Prezidente Fundasaun.