UNIVERSIDADE DA PAZ HALAO PREPARASAUN BA LORON DIES NATALIS NIAN

#UNPAZ# 04 MARSU 2021

UNIVERSIDADE DA PAZ" HALA'O PREPARASAUN BA LORON DIES NATALIS NIAN.

Dili-Universidade da Paz (UNPAZ), Liuhusi estrutura Universidade hala'o enkontru oinsa halo preparasaun ba loron Dies Natalis Universidade nian ne'ebé sei realiza iha loron 09 Fulan Marsu tinan ne'e, iha Salaun Pós Graduasaun (04/03).

Magnifiku Reitór Universidade da Paz, Dr. Adolmando Soares Amaral, Lic Eco. MM. hateten kada tinan-tinan atividade sempre halo peregrinasaun iha fatin sira hanesan Ramelau, aitana, no iha tinan ida ne’e, ba iha Naifeto Fatubesi, hodi husu matak malirin, molok selebra loron dies natalis, para ita bele organiza atividade ensinu superior privadu iha Universidade da Paz, bele la’o ho di’ak.

"Universidade da Paz, nia ezistensia ba tinan XVIII, ita aprende esperiensia lubuk ida iha ita nia tempu ne’ebé mak naruk, ita nafatin organiza án para hasa’e nafatin ita nia kualidade , no husu ba públiku sira nafatin tau fiar ba iha Universidade da Paz, no estudante sira nafatin tau fiar ba nia Dosente sira para prosesu tomak iha Universidade da Paz bele la’o ho di’ak, ita hotu iha esperansa katak, ita hotu-hotu tenki sai atan lolo’os ba povu no rai ida ne’e, atu sai atan lolo’os mak ita tenki iha esperiensia no kapasidade intelektual, fatin atu aprende mak iha Universidade da Paz" dehan Reitor.

Atividade refere partesipa husi, Magnifiku Reitór Universidade da Paz, Dr. Adolmando Soares Amaral, Lic Eco. MM. Pro Reitór, Dekanu Fakuldade neen, Diretor Unidade sira, Xefe Departamentu, Dosente, Inklui Funsionariu iha Universidade da Paz.