Dili 9 de Janeiro 2021
UNIVERSIDADE DA PAZ HAHU SIMU ESTUDANTE FOUN
Dili-Universidade da Paz, hahu halo ona inskrisaun ba estudante foun tinan akademiku 2021 nian, iha Kampus Unpaz (09/01).
Diretór Unidade Akademiku Sr. Francisco Borgues dos Santos, núdar responsavel komisaun inskrisaun ba tinan ida ne’e, hateten Universidade da Paz kada tinan inskrisaun ba estudante foun kada anu letivu, faze primeiru hahu iha Fulan Outubro to’o Janeiro, hare ba iha estudante halo inskrisaun numeru atinji ona 100/200, hafoin Komisaun Organizadóra fasilita teste ba estudante sira, no Materia sira ne’ebé prepra hodi teste ba estudante foun sira, mak Materia Nesesidade ne’ebé prepara husi kada Fukuldade.
Nia hatutan depois teste hotu minimu loron tolu públika rejultadu teste ne’e, hafoin estudante sira ba halo inskrisaun iha Banku Mandiri, ba etapa primeru nian estudante foun halo ona inskrisaun 241 kompostu husi Fakuldade neen. No etapa daruak nian sei hahu iha dia 11 ate 22 de janeiro, dehan Nia.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
