![UNIVERSIDADE DA PAZ ESTABELESE ONA UNE-TL](https://unpaz.tl/asset/foto_berita/144.jpg)
UNIVERSIDADE DA PAZ ESTABELESE ONA UNE-TL
Dili-Universidade da Paz (UNPAZ) liuhusi União Nsional Dos Escuteirus de Timor-Leste (UNE-TL) ohin hala’o tomada de pose ba estrutura foun Agrupamentu iha UNPAZ, iha Salaun Jose Kasimiru UNPAZ (19/11).
Magnifiku Reitor Universidade da Paz, Dr. Adolmando Soares Amaral, Lic.Eco.,MM. hateten familia bo’ot Universidade da Paz, iha dader kmanek ida ne’e, ita kontente tanba estrutura escuteirus nasional nomós Munisipiu Dili hamutuk ho ita iha ne’e, atu loke tán ramu Escuteirus iha UNPAZ.
“Fatin atu aprende siensia no teknologia mak universidade, maibe ita labele haforti ita nia a’an iha siensia no teknologia de’it, enkunatu ita mós tenki nakloke ba organizasaun sira seluk, para hasa’e ita nia kapasidade manajeríal, tanba ne’e mak prezensa escuteirus iha ne’e, para kompleta lliu tán ita bo’ot sira”,katak Reitór UNPAZ.
Nia hatutan, labele forti de’it iha siensia no teknologia, mais fraku iha pratika, escuteirus nia atividade barak liu atu hasa’e imi nia koñesimentu iha asaun no kreatividade no inovatoivu, ida ne’e mak escuteirus loke tán nia ramu mai iha UNPAZ.
Atu kompleta tán ita bo’ot sira mak atividade escuteirus joventude hadomi natureza ita lori mai iha UNPAZ, imi labele ko’alia de’it siensia no teknologia, wainhira imi la involve iha organizasaun sira ne’e, para tun ba sente saida mak ita nia povu ne’e sente, tenik Reitór.
“Ita iha Universidade da Paz, ita kompletu ona, iha atividade estra kurikular, atividade inovativu no kreativu nomós ita nia atividade sosiais sira hanesan joventude hadomi natureza no agora iha tán eskuteirus ne’ebé mai tán, ne’e pakote ida ema bolu pakote disiplina ba asaun sosiais, ida ne’e mak importante ita tenki halo, rai ida ne’e ita tenki hamutuk sai forsa ida para bele fó alternativu no solusaun”,dehan Reitór UNPAZ.
Prezidente UNE-TL Munisipiu Dili, Sr. Antonio da Luz, esklarese UNPAZ la’os primeiraves ha’u mai iha ne’e, maibe atividade barak ha’u partisipa iha UNPAZ, tanba ne’e UNPAZ iha kedas ha’u nia fuan, agradese ba maun reitor ne’ebé iha inisiativa di’ak, hodi lisensa ba eskuteiru Munisipiu Dili atu loke tán nia ramu iha UNPAZ.
”Parabens ba estrutura foun, eskuteirus iha Universidade da Paz, ne’ebé mak ohin simu ona tomada de pose, ho tomada de pose ne’e, ita bo’ot sira bele ativu liu tán hodi hala’o atividade sira”, Prezidente UNE-TL Munisipiu Dili, Sr. Antonio.
Entretantu partisipa iha atividade ne’e, estrutura Senadu Universidade, ho Prezidente UNE-TL Munisipiu Dili, ho Estrutura, inklui sivitas akadémiku Universidade da Paz.