![UNIVERSIDADE DA PAZ PRODUS TAN NIA POS-GRADUASAUAN 13 NO LISENSIATURA 737.](https://unpaz.tl/asset/foto_berita/978ff728-e4ee-4dce-b9b2-29d00107ed38.jpg)
Dili 19 de Dezembru 2020
UNPAZ PRODÛS TAN NIA PÓS-GRADUASAUAN 13 NO LISENSIATURA 737.
Universidade da Paz, hala’o Serimónia Graduasaun ba etapa dahuluk tinan ne’e, kompostu husi Fakuldade tolu Fakuldade Siénsia Sosiais Umana, Fakuldade Saúde Públika no Fakuldade Enjenaria, liu-liu iha Programa Pós-Graduasaun ba dala IV no Programa Lisensiaturaba ba dala XIV. Ho tema ba Serimónia ne’e “Liuhusi Reforma No Kualidade Ita Sai Umana ida Ne’ebé Kreativu No Inovativu Iha Situasaun Surtu Covid-19”. Iha Salaun José Casimiro Unpaz (19/12).
Liuhusi serimonia Graduasauan ne’e, Magnifiku Reitór Universidade da paz, Dr. Adolmando Soares Amaral, Lic, Eco. MM, iha nia diskursu husu ba Graduandu sira labele gradua hotu fila ba iha sosiedade labele lakon tiha morál no responsablidade ba ita nia instituisaun, maibé sai antigus alunos tenki iha responsabilidade no moral, atu manan fiar husi inan-aman hodi haruka oan sira mai iha fatin ne’e, maka Universidade da paz tenki halo reforma, hodi hadi’a sistema no kurikulum investe rekursu umanus no fasilidade sira, iha Universidade da Paz. dehan Reitór.
Nune’e mós reprezentante Inan-Aman Sr. João da Silva, agradese ba Magnifiku Reitór ho nia estrutura tomak iha Univrsidade da Paz, no Dosente sira hotu ne’ebé transforma ona siénsia ba graduandu sira, hanesan bukae ida ba graduandu sira hodi hatutan ba iha sosiedade, tenik João.
Iha Sorin seluk reprezentante Judisiandu Sergio Soares Amaral, iha nia diskursu hato'o agradese profundu ba Instituisaun Akadémiku Universidade da Paz ne’ebé sai fatin no knua hodi hakle’an ami nia koñesimentu ba iha futuru ida ne’ebé di’ak liu, no agradese mós ba Inan-Aman sira nia esforsu no dedikasaun durante ne'e, dehan Sergio.
Aliende ne’e, Fundasaun Neon Metin, Jose Menezes, M. Food. Tech Apresia ba susesu Magnifiku Reitór no estrutura Universidade da Paz, ne’ebé lidera Serimónia Graduasauan ho di’ak, no ida ne’e hatudu katak ho idade ne’ebé mak joven iha Universidade da paz, maibé bele fó konfiansa ba maluk sira, katak ami na’in hira bele lidera instituisaun ida ne’e ho di’ak konsege fó gradua tan ba estudante sira, tenik Nia.