![UNIDADE LOGISTIKA UNPAZ DISTRIBUI KONSUMSI BA GRUPU ESTAJIU SIRA](https://unpaz.tl/asset/foto_berita/155.jpg)
UNIDADE LOGISTIKA UNPAZ DISTRIBUI KONSUMSI BA GRUPU ESTAJIU SIRA
Dili-Universidade da Paz (UNPAZ) liuhusi Unidade Logistika distribui konsumsi ba grupu estajiu hamutuk tolu nulu resin rua (32) grupu ne’ebé lokaliza iha fatin rua, hansan kampus Ramu Liquisa nomós Kampus Sentral, iha Kampus UNPAZ (27/03).
Xefe Unidade Logistika UNPAZ, Sr. Anastaçio Soares, Lic.Dir.,M.Dir. hatete, Ita hotu hatene tinan ida ne'e estajiu sosial iha grupu hamutuk (32), husi grupu (1-20) lokaliza iha Kampus Liquisa, husi (21-32) lokaliza iha Kampus sentrál.
“Ohin ita distribui konsumsi hanesan fos saka 2, superme, dos 2, mina masa 1, kada grupu ba semana ida nian, tanba ne'e, durante fulan ida nia laran, ita sei distribui fos saka 8, superme dos 8, mina masa 4. ba kada grupu”,dehan Xefe Unidade Logistika UNPAZ, Sr. Anastaçio.
Nia hatutan, Grupu ne'ebé ita distribui konsumsi hamutuk 32 grupu, bazeia ba kriteria ne'ebé kada tinan ita iha, ho ida ne'e, husi parte logistika sei distribui kada semema ba grupu sira, ho ida ne'e grupu husi Kampus Liquisa nian, semana oin, ita sei distribui iha Kampus Liquisa.