#UNPAZ# 09 NOVEMBRU 2021
UNIDADE JARDINERU NO UNIDADE PATRIMONIU LOGISTIKA HALO LIMPEZA JERAL
Dili-Universidade da Paz (UNPAZ), liuhusi Unidade Jardineru hamutuk ho Unidade Patrimoniu no Logistika hala’o atividade limpeza jeral ba preparasaun Rea-akreditasaun Instituisaun UNPAZ, Judisium, nomós Graduasaun, iha Kampus UNPAZ (09/11).
Xefe Unidade Jardineru, Sra Carolina da Silva Cardoso, Lic. Eco. hateten, bazeia ba reuniaun horseik Unidade Jardineru hamutuk ho Patrimoniu no Logistika atu hala’o atividade limpeza jeral ba eventu sira, tuir lolo’os limpeza jeral ne’e Kinta no Sesta, maibe ami Unidade Jardineru servisu hamutuk ho Patrimoniu no Logistika atu bele hamos ituan-ituan hodi hakman ami nia servisu.
"Unidade Jardineru servisu hamutuk ho Patrimoniu no Logistika halo limpeza hahú ohin ba oin hodi preparasaun Rea-Akreditasaun Instituisaun UNPAZ, Judisium nomós Graduasaun", tenik Xefe Unidade Jardineru, Sra Carolina.
Partesipa iha Limpeza Jeral ne’e husi, Xefe Unidade Jardineru, Sra Carolina da Silva Cardoso, Lic. Eco, ho ekipa, Xefe Unidade Patrimoniu, no Logistika ho Estrutura.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
