UNIDADE 2 HALO MUDANSA BA FATIN

UNIDADE 2 HALO MUDANSA BA FATIN

Dili-Universidade da Paz (UNPAZ) liuhusi unidade Patrimoniu no Logistika halo mudansa ba fatin unidade rua hanesan Unidade klinika Direitu nomós Unidade Konsellu Disiplinar, nune’e bele iha espasu ba servisu ho di’ak, iha Kampus Sentral (05/07/23).

Xefe Unidade Patrimoniu, Sr. Anastaçio Soares, Lic. Dir.,M. Dir. hateten ohin unidade patrimoniu hamutuk ho logistika nomós funsionariu sira, ita halo mudansa ba fatin ba unidade rua mak hanesan, klinika direitu nomós konsellu disiplinar, ho razaun tanba klinika dieritu presiza halo atendimentu ba estudante sira ligadu ho pratika legal nomós atividade sira seluk ne’ebé kompetensia ba klinika direitu nian, inklui mós konsellu disiplinar ida ne’e mós importante, tanba ita kria espasu naton, nune’e bele halo atendimentu ba iregularidade sira ne’ebé mosu liu-liu kona-ba sansaun disiplinar nian.

“Ohin unidade patrimoniu prepara fatin ka ita halo mudansa ba fatin ne’e, atu bele fasilita servisu ba oin bele la’o ho di’ak liu tan, ho ida ne’e ita muda fatin unidade klinika direitu hamutuk ho konsellu disiplinar, ita koloka ka muda fatin ba sala ida, depois ita muda fali unidade asosiasaun desportiva universidade da paz ba fali iha klinika direitu nia fatin”,dehan Xefe Patrimoniu.

Entretantu iha atividade mudansa ba fatin ne’e organiza husi, Xefe Unidade Patrimoniu, Sr. Anastaçio Soares, Lic. Dir.,M. Dir. Hamutuk ho Funsionariu sira iha Universidade da Paz.