UNE-TL ENSERAMENTU FORMASAUN DIREJENTI BAZIKU UNPAZ 2024

UNE-TL ENSERAMENTU FORMASAUN DIREJENTI BAZIKU UNPAZ 2024

Dili-Universidade da Paz (UNPAZ) liuhusi União Nasional dos Escuteiros de Timor-Leste (UNE-TL), Konsellu Munisipiu Dili, hala’o Formasaun Dahuluk Direjenti Baziku loron 3-4 no 10-11 Fevereiru 2024 iha Agrupamentu UNPAZ, ho Titulu SIMBLU IDA KARAKTER IDA, iha loron ikus dia 11 fevereiru halo enseramentu atividade formasaun, atividade ikus mak halo Fogu do Consellho (Ahi Matan = Api Ungung) hanesan Kultura eskuteirus nian iha mundu tomak, sai komandante da Parada mak Maun Manuel Baptista “Ailaran” no sai inspetur seremónia mak maun Antonio da Luz (Prezidente KM Dili).

Iha intervensaun Inspektur Seremónia hateten katak, Kalan ne’e kalan murak kalan ikus ona ita nia formasaun Direjenti Baziku, Partisipante hamutuk 23 mai husi Agrupamentu UNPAZ rasik, Agrupamentu Prassa Luru Mara, Agrupamentu Turismu Becora, Agrupamentu Floresta Kaikoli, Agrupamentu Sant Judes Internasional School no Konsellu Munisipiu Ermera. Agradese barak Universidade da Paz liu-liu Maknifiku Reitór bele suporta direita no indereita aktividade ida ne’e, agradese mós Komisaun Organizadóra no Ekipa Formadores, ne’ebé unidu hodi realiza eventu ida, seremoni Fogu de Conselho taka Reflexaun hanoin hikas atividade durante loron hát “ TANBA SA MAK HAU HAKARAK TAMA ESKUTEIRUS, NO KALAN IDA NE’E HAU IHA NE’E?

Hafoin seremonia Fogu de Consellho hahu kedas seremonia enserementu iha salaun Novel da Paz, Fakuldade Saúde Públika no Siensie Medikas nia fatin, iha seremonia enseramentu Xefe Komisaun Organizadora Maun Leonito Ribeiro “Kotomoruk” hatoo Agredese Barak tebes ba Magnifiku Reitor UNPAZ, Dr. Aldomando Soares Amaral, hanesan mós Konselleiru Agrupamentu UNPAZ, suporta maximu atividade Formasaun ida ne’e, tanba nia mós ema Eskuteirus ida ne’ebé hahu husi Seksaun Lobitus (Siaga), Exploradores (Penggalang), Pioneirus (Penegak Bantara), Kamineirus (Penegak Laksana no Pandega), Magnifiku suporta maksimu maske agora la marka prejensa.

Agradese ba Konsellu Nasional, Koprpu Formadores, Komisariu Adultu Maun Angelino da Costa Melo sempre suporta atividade ida, Komisaun Organizadora, alin kamineirus sira hotu. Organiza atividade ida ne’e tanba iha de’it esperitu eskutismu nian atu hakbit no hanoin ba Foinsae sira-nia futuru ho hanoin ida nemak maski ho kbit ne’ebé limitadu, ho frakeza oinoin mas ohin kalan ita remata ita nia formasaun, agradese ba imi hotu, UNPAZ no Agrupamentu sempre prontu karik kontinua organiza ba Nivel Avansadu.

Iha fatin hanesan Reprezenta Magnifiku Reitor Maun Caetano Carceres Correia, hatoo mós Agradesementu ba parte hotu ne’ebé suporta hodi realiza atividade ida ne’e Liu-Liu Magnifiku Reitor no Komisaun Oraganizadora, maski tempu ne’ebé limitadu, maibe ita Unidu hodi hakaat ba oin, iha UNPAZ depois loron haat hala’o formasaun Baziku ida ne’e, funsionariu no dosente barak mak husu atu tama, ne’ebé ba oin Eskuteirus sei barak liu, durante loron haat, metodu eskutismu hanorin buat barak no inklui disiplina hanesan militar sira, hodi hakbit Nasionalismu ba Nasaun Timor-Leste.

Husi Xefe Formador Maun Angelino hato’o ho lian nakdedar no tahan matawen agredese ba UNPAZ no ba Maun Leo ne’ebé esforsu tomak hanoin ba ema barak nia futuru atu kapasita liu husi Formasaun ida ne’e, ami sira katuas ona presija jerasaun foun atu banati tuir ami, eskuteirus ne’e organizasaun Mundial inklui iha Timor Leste, liuhusi UNE-TL ne’ebé sai membru Movimentu Eskuteirus Organizasaun Mundial ba dala 165 iha Ajarbaizan 2017, ita orgullu katak ita bele ona partisipa iha eventu internasional sira hanesan Jambore Mundial, Rober Moot, Leader Gathering internasional nomós iha Asia Pacifik Region (APR), ita partisipa konferensia Internasional sira tanba ita hanesan NSO (National Scout Organization), atu partisipa iha eventu Internasional tenki liu husi NSO UNE-TL no rekomenda husi International Commisaris mak Mana Filomena dos Reis. Ami orgulho ba UNPAZ.

Prezenti UNE-TL Konsellu Munisipiu Dili Maun Antonio da Luz suporta tan hanoin sira ne’e hotu, no agredese ba UNPAZ no ninia Amu Kapelaun Pe. Manuel Pinto bele partisipa mós iha formasaun ida ne’e Luar biasa, Nudar Prezenti KM Dili mai ita hamutuk lori Eskuteirus Munisipiu Dili ba Oin. ikus liu foto hamutuk no fahe sertifikadu ba partisipante sira hotu. Viva UNE-TL, Viva UNPAZ, Viva Agrupamentu UNPAZ.