UNE-TL AGRUPAMENTU UNPAZ REALIZA AKAMPAMENTU IHA KAMPUZ RAMU LIKISA

UNE-TL AGRUPAMENTU UNPAZ REALIZA AKAMPAMENTU IHA KAMPUZ RAMU LIKISA

Dili-Universidade da Paz (UNPAZ) liuhusi União Nasional Dos Escuteros de Timor-Leste(UNE-TL) Agrupamentu UNPAZ realiza akampamentu hodi selebra Dies Natalis UNPAZ ba dala XIX nomós Selebra Loron Moris Fundador Eskuteirus Mundial Nai Liurai Baden Powell ba dala 166 dia 22 Fevefeiru 1857, ne’ebé realiza iha areadores Kampus Ramu UNPAZ Likisa (24/02).

Vise Reitor Asuntu Estudantil no Antigus Alunus, Sra. Marilia Juvi Gonsalves, Lic.SP.M.Kes, ne’ebé reprezenta Magnifiku Reitór. Agradese ba alin eskuterus sira ne’ebé ohin loron hamutuk iha ne’e, hodi selebra loron Universidade da Paz ba dala XIX tinan akadémiku 2023, tanba ne’e, apresia tebes ba alin eskuterus sira ne’ebé hili fatin ida ne’e, sai hanesan akampamentu hodi komemora loron dies natalis UNPAZ ba dala XIX.

“Ida ne’e pela primeiraves, akontese iha Universidade da Paz, tanba ne’e iha tinan ida ne’e sai hanesan historia bo’ot ida hakerek iha Universidade da Paz nomós ba nasaun Timot-Leste”,dehan Vise Reitor Asuntu Estudantil no Antigus Alunus, Sra. Marilia.

Nia hatutan, Eskuterus Universidade da Paz, foin mak simu tomada depose iha tinan kotuk iha loron 19 Novembru 2022, ita hafoin mak hamosu eskuterus iha Universidae da Paz. Eskuterus la’os iha de’it igreja no mosu de’it iha igreja, maibe eskuterus mós iha instituisaun hotu-hotu, tanba ne’e ita bo’ot sira nia prezensa kalan rua loron tolu iha fatin ne’e, sei hakerek historia ida iha UNPAZ nomós nasaun Timor-Leste.

Entretantu atividade ne’e, loke abertura husi reprezentante Magnifiku Reitór, Vise Reitor Asuntu Estudantil no Antigus Alunus, Sra. Marilia Juvi Gonsalves, Lic.SP.M.Kes, Partisipa masimu husi Xefe Agrupamentu, Dr. Leonito Ribeiro, SH.,MH. Xefe Komisaun, Sr. Januario da Silva, Lic,Dir. Prezidente União Eskuterus Munisípiu Dili, inklui estudante eskuterus sira.